Saltanatty sharada sóz alǵan oblys ákimi Amandyq Batalov búginge deıin Taldyqorǵanda zaman talabyna saı IT mektep salynǵanyn, balalardyń robototehnıkaǵa beıimdiligin damytý baǵytynda birqatar sharalar atqarylǵanyn atap ótti. Sol sııaqty aldaǵy ýaqytta Internet kolledj salynatynyn da tilge tıek etti.
"Búgingi jastar óte alǵyr, túrli oı-ıdeıalardyń joba-josparyn kompıýterlik múmkindikterdi qoldana otyryp jasaýǵa beıim. Bul turǵyda men syrt elderge shyqqanda olardyń zamanǵa saı tehnologııalarmen jumys isteý tájirıbesine nazar aýdaryp júremin. Tatarstannan, Sıngapýrdan dál osyndaı IT ortalyqtardy kórdim. Elbasy da únemi jastardyń jańashyldyǵyn qoldaý, básekege qabiletti bolýyna jaǵdaı jasaý týraly únemi aıtady. Prezıdentimiz Qasym-Jomart Toqaev ta osy bastamany úzbeı jalǵastyrýdy tapsyrdy. XXI ǵasyr – sıfrlandyrý ǵasyry. Sondyqtan oblys ortalyǵynda osyndaı jańa múmkindikterge jol salatyn ortalyq ashýdy durys dep taptyq. Astana Hub tehnoparkiniń myqty mamandary bul jobany nebary eki-úsh aıdyń ishinde júzege asyrdy. Olarǵa da zor alǵysymdy aıtamyn. Endigi jerde astanalyq hab ókilderi jetisýlyq jastardyń kásibı turǵyda damýyna qoldaý bildirip, ózara tyǵyz baılanysta jumys isteıdi dep senemin. Jastar, ortalyqtyń múmkindikterin barynsha paıdalanyńdar, oqyńdar, úırenińder, armandaryńa qol jetkizýge qoryqpańdar. Sonda búkil álem qazaqstandyq balalardyń daryndy ekenine kóz jetkizetin bolady, - dedi A. Batalov.
Astana Hub IT startaptar halyqaralyq tehnoparkiniń basqarýshy dırektory M. Sıhaev ta tilegin bildirip, jas áriptesterine qoldaý bildirýge ázir ekenin jetkizdi.
Ortalyqtyń lentasy qıylyp, qonaqtar ǵımarat ishin aralap kórdi.
Qalanyń 6-shaǵyn aýdanyndaǵy 16 qabatty úıdiń birinshi qabatynda ornalasqan ortalyqta robototehnıka, baǵdarlamalaý kabınetteri, balalar ortalyǵy, elektrondy kitaphana, bıznes akselerator, leksııa bólmesi, túrli kompanııalar men rezıdentterdiń IT ortalyqtary jáne t.b. ornalasqan. Aldaǵy ýaqytta munda kez kelgen jastaǵy azamattardy IT salasyndaǵy jańa tehnologııaǵa úıretip, oqytýshylardyń biliktiligin arttyrý, shaǵyn jáne orta bızneske qoldaý kórsetý sharalary atqarylady. IT-ınkýbatorda túrli sheberlik saǵattary, bıznes trenıngter, hakatondar ótkiziletin bolady.
Osylaısha Jetysu Hub IT ortalyǵy Almaty oblysyndaǵy aqparattyq tehnologııalar salasynda oqytý men kompanııalardy ázirleýmen jáne damytýmen aınalysatyn birinshi tehnopark bolmaq.
