Bıylǵy Sammıttiń taqyryby – «Obyr jáne densaýlyq saqtaý qyzmetterimen jappaı qamtý». Obyrdy anyqtaý, emdeý jáne kútim kórsetý Densaýlyq saqtaý qyzmetterimen (UHC) jalpyǵa birdeı qamtýdy engizý jónindegi jahandyq ambısııanyń bir bóligi retinde qaralatyn ártúrli ádisterge shoǵyrlanatyn bolady.
Sammıt jumysyna qaterli isikke qarsy kúrestiń 350-den astam negizgi kóshbasshylary qatysady – bul joǵary laýazymdy álemdik kóshbasshylar, memleket basshylary, densaýlyq saqtaý mınıstrleri, birinshi hanymdar men koroldik otbasylardyń músheleri, qoǵamdyq densaýlyq saqtaý uıymdarynyń, dúnıejúzilik uıymdardyń basshylary, sondaı-aq qoǵamdyq uıymdar men álemdik buqaralyq aqparat quraldarynyń ókilderi.
Elordada ótetin jahandyq jıynǵa UICC Prezıdenti, Onyń Koroldik Joǵary Mártebelisi, Iordanııa hanshaıymy Dına Maıred, Obyrdy zertteý jónindegi Halyqaralyq agenttiktiń bas dırektory Elızabet Vaıderpass, Ýrýgvaı prezıdenti – Tabare Vaskes myrza, Túrkııa birinshi hanymy – Emıne Erdogan, Belız memleketiniń birinshi hanymy – Kım Sımplıs Barroý, Býrkına-Faso memleketiniń birinshi hanymy – Adjovı Sıka Kabore, Nıgerııa birinshi hanymy – Aısha Býharı, Armenııa birinshi hanymy (premer-mınıstrdiń jubaıy) – Anna Akopıan, Geıdar Alıev qorynyń vıse-prezıdenti, BUU (FAO) Azyq-túlik jáne aýyl sharýashylyǵy uıymynyń (FAO) izgi nıet elshisi – Leıla Alıeva, Ekonomıkalyq yntymaqtastyq jáne damý uıymynyń (OESR) densaýlyq saqtaý bólim basshysy – Francheska Kolombo syndy álemge áıgili tulǵalar keletini naqtylandy.
Sonymen qatar, Sammıtke Vengrııa, Reseı, Irak, Rýanda, Shrı-Lanka, Tájikstan, Zambııa jáne álemniń basqa da elderiniń densaýlyq saqtaý mınıstrleri qatysady.
Sammıtti uıymdastyrýǵa Dúnıejúzilik Densaýlyq saqtaý uıymynan bastap (DDU), Atom energııasy jónindegi halyqaralyq agenttigi (AEjHA) sondaı-aq, Obyrdy zertteý jónindegi halyqaralyq agenttigimen (OZjHA) birge Obyrdy baqylaý jónindegi halyqaralyq odaǵy (UICC) uıytqy bolmaq. Sammıtti Qazaq onkologııa jáne radıologııa ǵylymı-zertteý ınstıtýty qabyldaıdy.
