Sol máselelerdiń ishinde mádenıet qyzmetkerlerine de áleýmettik jeńildikterdiń beriletini qýantady. Buıyrtsa, keler 2020 jyly mádenıet qyzmetkerleriniń jalaqysy kóbeıedi. Memleket basshysy Q.Toqaev óz Joldaýynda:
«Biz mádenıet salasynda jumys isteıtin azamattarǵa jetkilikti túrde kóńil bólmeı otyrmyz. Bul – eń aldymen kitaphana, mýzeı men teatr qyzmetkerlerine qatysty másele. Olardyń eńbekaqysy sońǵy jyldary múldem kóbeıgen joq. Sonyń saldarynan mádenıet qyzmetkerleri, ásirese jas mamandar jeńildigi bar turǵyn úı baǵdarlamalaryna qatysa almaıdy» degen bolatyn.
Bul degenińiz rýhanııatqa qyzmet etip júrgen mádenıet salasynyń maıtalmandaryna jasalǵan zor múmkindik. Qýanyshty jańalyq! Máselen, bir ǵana 1,5 mıllıonnan astam kitap qory bar Ulttyq akademııalyq kitaphana qyzmetkerleriniń áleýmettik jaǵdaıy ózgeredi.
Al respýblıka boıynsha memleketimizde on bir myńnan astam kitaphana mekemesi jumys isteıdi. Odan bólek elimizdiń 4 aýmaǵynda kitaphanashylardy daıyndaıtyn arnaıy fakýltetter bar. Olar: Shymkent, Kókshetaý, Pavlodar jáne Oral qalalary. Atalǵan qalalardyń barlyǵynan kitaphana mamandyǵyn aıaqtaǵan jas mamandar jumysqa ornalasady. Mine, sol rýhanııat shyraqshylarynyń materıaldyq jáne áleýmettik qajettilikterine memlekettik deńgeıde kómek kórsetiledi.
Sondaı-aq Prezıdent mádenıet salasy qyzmetkerleriniń jalaqysyn kóbeıtý jáne áleýmettik jeńildikter berý úshin Úkimetke tapsyrma berdi. Iаǵnı, bilim berý men densaýlyq saqtaý salalaryndaǵy jeńildikter mádenıet mekemesiniń mamandaryna da kórsetilmek.
Sonymen qatar Prezıdent Qasym-Jomart Toqaev Altyn ordanyń 750 jyldyǵyn toılaı otyryp, tól tarıhymyzǵa, mádenıetimiz ben tabıǵatymyzǵa kóńil bólý kerek ekendigin aıtty. Iаǵnı, osy aıtýly mereke arqyly tabıǵatymyzǵa týrıster nazaryn aýdarý qajettiligi de aıqyn sezilip otyr.
Memleket basshysy Qasym-Jomart Toqaevtyń Qazaqstan halqyna arnaǵan Joldaýynda halyqty tolǵandyrǵan máseleler kóterildi. Sol úshin de memlekettiń árbir azamaty zor jaýapkershilikpen jumys atqarýy kerektigin Prezıdent sóz sońynda bylaı dep túıindegen bolatyn:
«Men el taǵdyryna jany ashıtyn árbir azamatqa zor senim artamyn. Qazaqstan – ortaq shańyraǵymyz! Men bárińizdi mereıli mekenimizdi órkendetýge úles qosýǵa shaqyramyn».
Bizdiń múddemiz bir, maqsatymyz aıqyn, bolashaǵymyz kemel jáne sol jolda eńbek ete beremiz.
Úmithan MUŃALBAEVA,
Ulttyq akademııalyq kitaphananyń basshysy, pedagogıka ǵylymdarynyń doktory, professor
