Jas mamandarǵa qoldaý kúsheıedi

Osy Joldaýda Prezıdent ishki saıasatty, memlekettik ınstıtýttardy nyǵaıtýdyń, azamattardyń quqyqtary men bostandyqtaryn qor­ǵaýdyń, ekonomıkany jáne ha­lyqqa áleýmettik ál-aýqa­ty­nyń modernızasııasynyń negiz­gi máselelerine toqtaldy. So­nyń ishinde Memleket bas­shy­sy Úkimetke jalaqyny kó­beı­tý úshin jaǵdaı jasaý­­dy tapsyrdy. Bul – jumys sapa­sy men ju­mysshylardyń ómirin jaq­­sartýmen baılanysty búgin­gi tańdaǵy kásipodaqtar jumysynyń ózekti máseleleriniń biri.

Prezıdent Joldaýyn «Qazaq­standyq salalyq mádenıet, sport, týrızm jáne aqparat qyz­met­ker­leriniń kásiptik odaǵy» qoǵam­dyq birlestiginiń mú­sheleri men bar­lyq mádenıet qyzmet­ker­leri, jal­py jurtshylyq qýana qabyldady.

Eń ózekti másele – eńbekaqy. Sebebi mádenıet qyzmetkerleriniń jalaqysy kóp ýaqyttan beri kóterilgen joq. Muǵalimder jáne dárigerlermen salystyrǵanda, mádenıet salasynda eńbek etetin qyzmetkerler áldeqaıda tómen aılyq alady. Sondyqtan ónerde júrgen jastar tabystyń basqa kózderin izdeıdi. Osydan baryp óner salasy mamandarynyń tapshylyǵy baıqalýda.

Biz osy ýaqytqa deıin jalaqy­­ny kóterý, jeke jáne vedom­s­tvolyq turǵyn úıge qol jet­kizý, zeınetaqy tólem­derin ja­saý máselelerin áleýmet­tik árip­tes­termen birge respýblı­kalyq jáne aımaqtyń deńgeıde udaıy kóterip júrmiz. Endi osy Jol­daýdan soń mádenıet qyz­met­kerleriniń áleýmettik jaǵ­daı­laryna kóńil bólinedi. Mádenıet qyzmetkerleri, ásirese jas mamandar jeńildigi bar turǵyn úı baǵdarlamalaryna qatysa alady. Kelesi jyly mádenıet salasynyń mamandary memlekettik qoldaý men qam­qorlyqty aıtarlyqtaı sezinetin bolady.

Sonymen qatar jurtshy­lyq­tyń jappaı sportpen aınalysýyna jaǵdaı jasaý, dene­shynyqtyrý isin jetildirý, salaýatty ult qalyptastyrýǵa jáne ekonomıkamyzdyń mańyzdy salasy týrızmdi damytýǵa basa mán berilip otyr. Prezıdent Joldaýy sózsiz barlyq qazaqstandyqtarǵa kúsh-qýat beretini anyq.

Svetlana IMANQULOVA,

«Qazaqstandyq salalyq mádenıet, sport, týrızm jáne aqparat qyzmetkerleriniń kásiptik odaǵy» qoǵamdyq birlestiginiń tóraıymy