Ekologtar ujymy departament aýmaǵyn tazalaýǵa belsene qatysty. Aýmaq birneshe ýchaskege bólinip, árqaısysyna jaýapty adam bekitildi. Jańbyrly aýa raıyna qaramastan, tazalyq saqshylary uıymshyldyq tanytty. Kóbine plastık, metall jáne shyny jınaldy. Eki saǵattyń ishinde senbilikke qatysýshylar birneshe qapshyq qoqys jınady.
Aıta ketý kerek, osyndaı tazalyq aksııalary barysynda qalalar men qala mańy aýmaqtary turmystyq kúl-qoqystardan tazartylyp turady. Aýmaqtyq Ekologııa departamentiniń basshysy Rýslan Týkenovtyń aıtýynsha, qorshaǵan ortany qorǵaý sharasyna qatysýǵa nıet bildirýishiler sany jyl sanap artyp kele jatqandyǵy qýantady.
- Kez kelgen kásiporyn úshin ózderine tıesili jerdi kóriktendirý, qoqystan aryltý - basty jumystardyń biri bolýy tıis. Eger aýmaq únemi tazartylyp tursa, ekologııalyq jaǵdaı jaqsara túsedi. Osyndaı jumystarǵa belsene aralasyp, tabıǵatty qorǵap, Aqtaýdyń taza qala statýsyn kóterýimiz kerek, - deıdi Rýslan Karımuly.
Mańǵystaý oblysy
