Kongreske qatysý úshin Almaty qalasyna 300-den astam delegat pen alys jáne jaqyn shetelderden 95 lektor, gastroenterologtar, terapevter, ınfeksıonıster, jalpy tájirıbelik dárigerler, pedıatrlar, onkologtar, zerthanalyq jáne fýnksıonaldyq dıagnostıka salasyndaǵy mamandar keledi.
OAGA sheńberinde kásibı qaýymdastyq ókilderiniń talqylaýy tıis basty taqyryptardyń biri – ishektiń qabyný aýrýlary (IQA), olardyń qataryna oıyq jaraly kolıt (OK) jáne Kron aýrýy (KA) jatady.
IQA Qazaqstanda ǵana emes, álemde de zamanaýı gastroenterologııanyń eń ózekti máseleleriniń biri sanalady. Álemniń ár túrli aımaqtaryndaǵy IQA boıynsha epıdemıologııalyq jaǵdaıda aýytqýlar bar. Ortasha alǵanda oıyq jaraly kolıttiń (OK) taralýy 100 myń turǵynǵa shaqqanda 37-den 246-ǵa deıin, Kron aýrýy (KA) – 100 myń turǵynǵa shaqqanda 29-dan 199-ǵa deıin, al IQA saldarynan múgedektik 20 paıyzdan 34 paıyzǵa deıin quraıdy. 2018 jylǵy Dıspanserlik naýqastar tirkeliminiń derekteri boıynsha Qazaqstanda tirkelgen naýqastar sany 6085 adamdy qurap, onyń ishinde 2497 adam OK – 1060, KA – 513 dıagnozdarymen esepke alynǵan.
Kongreste IQA-nyń paıda bolý sebebi nede, qazirgi tańda álemde jáne Qazaqstanda IQA-ny dıagnostıkalaý men emdeýdiń qandaı qazirgi zamanǵy ádisteri bar, búgingi kúni bıologııalyq terapııanyń qanshalyqty tıimdi jáne qaýipsiz ekendigi jáne QR-da bıologııalyq preparattardyń qol jetimdilik jaǵdaıy qaı deńgeıde ekendigi talqylanady.
ALMATY
