Áıgili «Madison Square Garden» alańynda ótetin boks keshinde qarsylastar IBF nusqasy boıynsha ortasha salmaqtaǵy Álem chempıony tıtýlyna talasatyn bolady.
Sondaı-aq bul boks keshinde taǵy bir qazaqstandyq boksshy Álı Ahmedov (15-0, 11 KO) amerıkalyq Endrıý Ernandeske (20-7-2, 7 KO) qarsy qolǵap túıistiredi.
«Qazaqstan» RTRK» AQ boks keshiniń barlyq kezdesýin kórsetý quqyǵyna ıe boldy. Jekpe-jekterdi «Qazaqstan» jáne «Qazsport» arnalary tikeleı efırde usynady. Translıasııa Nur-Sultan ýaqyty boıynsha 6 qazan kúni 05:00-de bastalady.
Sonymen qatar teleradıokorporasııa qazaqstandyq kórermenderge kezdesýlerdi qazaqstan.tv jáne qazsporttv.kz caıttary arqyly, QAZAQSTAN TV mobıldi qosymshasy onlaın tamashalaý múmkindigin usynyp otyr.
Bul kezdesý - Gennadıı Golovkınniń DAZN strımıngtik servısimen jasasqan kelisimshart boıynsha ekinshi jekpe-jegi. Alǵashqy kezdesýde ol kanadalyq Stıv Rollsty nokaýtpen jeńgen bolatyn.
