Júıe iske qosylǵan 2017 jyldyń 1 shildesinen 2019 jyldyń 6 qyrkúıegine deıingi aralyqta barlyǵy 1 mln 373 myń almatylyq turǵynnyń atyna 42,6 mlrd teńge aýdarylǵan. Bul týraly MSQ Almaty qalalyq fılıalynyń baspasóz qyzmeti habarlaıdy.
«Bul somanyń ishinde biryńǵaı jıyntyq tólem de bar. Atap aıtqanda, jyl basynan beri ózin-ózi jumyspen qamtyǵan 3,5 myńnan astam almatylyq 10,1 mln teńge kóleminde biryńǵaı jıyntyq tólem tólegen», – dedi Almatyda ótken brıfıngte MSQ qalalyq fılıaly dırektory Tileýhan Ábildaev.
Ońtústik astanadan túsken túsimderdiń negizgi bóligi nemese 40,1 mlrd teńgesi – jumys berýshilerdiń qaramaǵyndaǵy jumyskerleriniń atyna aýdarǵan aýdarymdary. 2017 jyldan bastap jarna aýdarýǵa mindettelgen bul sanat jumyskerlerdi saqtandyrýdy toqtatqan joq.
Saqtandyrý engizilgen keıin, 2017 jyldyń ekinshi jartysynda ózi úshin jarna aýdarǵan jeke kásipkerler men azamattyq-quqyqtyq kelisimshart negizinde eńbek etetin tulǵalar sońǵy eki jylda saqtandyrý tólemderinen bosatylǵan bolatyn. Olar jarnany ózge sanattarmen birge 2020 jyldyń qańtarynan bastap aýdara bastamaq.
Esterińizge sala ketsek, Qorǵa túsken qarajat Ulttyq bankinde saqtalady jáne 2020 jyldan bastap MÁMS sheńberinde kórsetiletin qyzmetterdiń aqysyn tóleýge jumsalady.
