Túrkistanǵa arnaıy issaparmen kelgen Ishki ister mınıstri polısııa general-leıtenanty Erlan Turǵymbaev Túrkistan oblysy TJD qyzmetkerleri, órt sóndirýshi Baqdaýlet Álimqulov, Quralbek Jumabaev, Rústem Saıdahmetov, Baǵlan Ýbaıdıllaev pen polısııa maıory Qanat Raqyshevke «Erligi úshin» medalin tabys etti. Sonymen qatar polısııa podpolkovnıgi Ermek О́serbaev pen polısııa leıtenanty Qaırat Alekeshev Ishki ister mınıstriniń buıryǵymen «О́rtte kórsetken qaısarlyǵy úshin» medalimen marapattaldy. О́zderiniń qyzmettik mindetterin minsiz oryndaǵan qyzmetkerlerdi quttyqtaǵan mınıstr E.Turǵymbaev ishki ister organy qatarynda erlik kórsetip, antyna adal bolyp kele jatqan qyzmetkerler barda halyqtyń uıqysy tynysh jáne qaýipsiz bolatyndyǵyna senimi mol ekendigin aıtty.
Sondaı-aq mınıstr Túrkistan oblysy TJD qyzmetkeri azamattyq qorǵaý podpolkovnıgi Baqytjan Abdýǵapparovtyń úıine baryp, oǵan 2-shi dárejeli «Aıbyn» ordenin tabys etti. О́rtti aýyzdyqtaý kezinde aýyr jaraqat alyp, úıinde emdelip jatqan podpolkovnık B. Abdýǵapparovqa jáne onyń otbasyna órt sóndirý jáne adamdardy qutqarý kezinde kórsetken batyldyǵy, batyrlyǵy men janqııarlyǵy úshin alǵysyn aıtqan mınıstr saýyǵyp ketýine tilektestigin bildirdi.
Eske sala keteıik, 10 qyrkúıekte Túrkistan qalasyndaǵy «Roıal Grand» qonaqúıi otqa oranǵan bolatyn. Oqıǵa ornyna kelgen oblystyń TJD qyzmetkerleri men polıseıler jaqyn mańdaǵy aýmaqty qorshaýǵa alyp, qonaqúıdiń qonaqtary men qyzmetkerlerin jedel evakýasııalaýǵa kiristi. Qutqarý jumystaryn júrgizý barysynda 50 adam qaýipsiz jerge jetkizilgen bolatyn.
Mınıstr Túrkistanǵa issaparynyń sońynda Polısııa departamentiniń ǵımaratyn aralap, qyzmetkerleriniń, sondaı-aq quqyq qorǵaý organynyń halyq aldyndaǵy ashyqtyq pen móldirligin kórsetetin jańa formattaǵy halyqtyq – keńse jumysymen tanysty.
Túrkistan oblysy
