Kezdesý barysynda iskerler jer, gaz, tender, qurylys salasyndaǵy máselelerin ortaǵa saldy. Osy jaǵdaılardy kásipkerler palatasymen birlesip sheshýdi usyndy.
- Mańǵystaý oblysynda tek qana munaı salasyn emes, negizinen úsh salada: týrızm, aýyl sharýashylyǵy jáne ımport almasýdy damytýymyz kerek. Osy baǵytta josparlaryńyz, oılaryńyzdy bilý maqsatynda kelip otyrmyz. Jaqynda monoqalalardaǵy kásipkerler tizimin jasaqtaımyz. Máselen, «О́zenmunaıgaz» kompanııasy satyp alýlarynda sol tizimdegi kásipkerlerdiń otandyq ónimin alýy qajet bolady. Kásipkerlerdi osylaısha ózderimiz qoldap otyrýymyz qajet,- dedi QR «Atameken» UKP Basqarma tóraǵasy Abylaı Myrzahmetov.
Jańaózen qalasynyń ákimi Maqsat Ibaǵarovtyń aıtýynsha, Jańaózen qalasynda shaǵyn jáne orta bıznes sýbektileri 7500-ge jetti. Olarda 21 myń adam jumyspen qamtylǵan. «Bastaý bıznes» jobasymen bıyl 200 adam oqyp shyqty. Qaıtarymsyz granttarǵa 53 kásipker qol jetkizdi. «Jas kásipker» baǵdarlamasymen 110 jas bilim aldy. Bolashaqta óz kásipterin ashýǵa septigin tıgizbek.
Sondaı-aq, «Atameken» UKP birneshe mamandarynan qurylǵan jumys toby Jańaózende eki apta boıy jumys istep, munaıly shahardyń kásipkerlerimen jiti qarym-qatynas ornatyp, túıitkildi máselelerin tolyq zerttep, keńes berip, tájirıbelerimen bólispek.
Basqosýda jergilikti kásipker Dosaı Tańatarov «Samuryq-qazyna» AQ talaptarynyń kásipkerlerge birshama qolbaılaý bolyp otyrǵanyn jasyrmady. Tender máselesindegi qıyndyqtar ýaqyt ozdyrmaı sheshilse degen úmitte.
Jańaózendik kásipkerlerdiń muń-muqtajyn Abylaı Isabekuly Úkimet deńgeıine deıin kóteretinin aıtyp, iskerler máselesin birlesip sheshýge ýaǵdalasty.
Mańǵystaý oblysy
