Baǵaly qaǵazdar jónindegi komıssııalardyń halyqaralyq uıymynyń qoldaýymen halyqtyń ınvestısııalyq saýatyn arttyrýǵa baǵyttalǵan kezdesýge memlekettik organdar, «Atameken» UQP, sondaı-aq Mańǵystaý oblysynyń akademııalyq toptary ókilderi qatysty.
О́tken jyly atalǵan qarjy ortalyǵy Mańǵystaý oblysy ákimdigimen óńirge ınvestorlar tartýda ortalyq alańyn paıdalaný jóninde memorandýmǵa qol qoıǵan bolatyn. Delegasııa basshysy, «Astana» HQO ákimshiligi» AQ Basqarma tóraǵasynyń keńesshisi B.Qýandyqovtyń aıtýynsha, memorandým aıasynda Mańǵystaýda eki ınvestısııalyq joba júzege asyrylýda, onyń biri qonaqúı kesheni qurylysy.
– Budan ózge taǵy on joba josparlanýda. Aımaq basshysymen kezdesip, Mańǵystaý oblysyna ınvestorlar tartý máselesin talqyladyq. Bizdiń alańymyzǵa tirkelgen áriptester úshin salyqtyq jeńildikter qarastyrylǵan. Sondaı-aq oryn alǵan daýly máselelerdi sheshýde halyqaralyq sot kómegine júginýge múmkindik bar. О́tken jyly iri kompanııalardy óz alańymyzǵa tartý úshin iri sharalar qolǵa alyndy, – deıdi B.Qýandyqov.
– Investısııa men ony el ekonomıkasyna tartý, sondaı-aq qarjylyq saýattylyq – qajet máseleler. Sondyqtan «Astana» HQO kezdesýi osy taqyryptaǵy saýaldarymyzǵa jaýap alyp, buǵan deıin beımálim bolyp kelgen tustardy tereń tanýymyzǵa múmkindik berdi. Munaıly óńir, ári teńiz joly qatynasy bar Mańǵystaý óńirine ınvestısııa tartýda qarjy ortalyǵynyń áleýeti kúsheıedi deı alamyz, deıdi qatysýshylar.
Mańǵystaý oblysy
