Eńbek naryǵynda suranysqa ıe mamandyqtar boıynsha kásibı daǵdylardy qalyptastyrý maqsatynda azamattardyń jekelegen sanattary úshin qysqa merzimdi kýrstar ótkizýdi kózdeıtin «Eńbek» memlekettik baǵdarlamasynyń birinshi baǵyty aıasynda Nur Sultanda 550 adam oqýǵa jiberildi. Qysqa merzimdi kásiptik oqytý aıaqtalǵannan keıin halyqty jumyspen qamtý ortalyqtary memlekettik baǵdarlamanyń qatysýshylaryna jumysqa ornalasýǵa kómek kórsetedi.
Memlekettik baǵdarlamanyń ekinshi baǵytynyń negizgi mindeti azamattardyń kásipkerlik bastamalaryn damytý bolyp tabylady. Onyń sheńberinde bastapqy bıznesti iske asyratyn nemese iske asyrýdy josparlaıtyn jáne buryn basqa memlekettik baǵdarlamalar sheńberinde qarjylyq qoldaý almaǵan úmitkerlerge óteýsiz jáne qaıtarymsyz negizde 100 jáne 200 AEK mólsherinde memlekettik granttar beriledi. Budan basqa, aýylda jáne qalalarda kásipkerlik áleýeti bar isin jańa bastaǵan kásipkerlerge, aýyl sharýashylyǵy kooperatıvterine jáne olardyń zeınetkerlik jasqa jetpegen múshelerine, sharýa jáne fermer qojalyqtaryna mıkrokredıtter beriledi. «Bastaý-Bıznes» jobasy aıasynda mıkrokredıt alýshylar úshin kásipkerlik negizderine oqytý júrgiziledi.
Nur-Sultan qalasynda mıkrokredıtteýmen 48 adam qamtyldy. Memlekettik granttardy 100 AEK-ke deıingi mólsherde memlekettik baǵdarlamanyń 39 qatysýshysy, 200 AEK-ke deıingi mólsherde – 10 (jastar, az qamtylǵan jáne kóp balaly otbasy músheleri, eńbekke qabiletti múgedekter) adam aldy.
Memlekettik baǵdarlamanyń úshinshi baǵyty azamattardyń jekelegen sanattaryn jumysqa ornalastyrý úshin memlekettik sýbsıdııalanatyn jumys oryndaryn qurýdy kózdeıdi. Ony júzege asyrý aıasynda Nur-Sultanda 2 930 adam, onyń ishinde áleýmettik jumys oryndaryna 152 adam, qoǵamdyq jumysqa 1 998 adam jumysqa ornalastyryldy, jastar praktıkasyna 780 adam tartyldy.
