Úzdik ustazdar ulyqtaldy

Marapattaý rásiminde sóz alǵan elimizdiń bas pedagogy A.Aımaǵambetov barlyq mereke ıelerin quttyqtap, aq­jar­­ma tilegin arnady. «Mu­ǵa­lim – mekteptiń júre­gi», dep qazaqtyń bas aqy­ny Ahmet Baıtursynuly aıt­­qan­daı, tálim, ilim bergen mu­ǵa­limderimizge qandaı qur­met kórsetsek te artyq bol­maıdy. Sebebi bul – shyny­men de jaýapty ári uly qyz­met», deı kele elimizdiń bo­la­shaǵy pedagogtardyń eren eńbegine tikeleı baıla­nys­ty ekenin tilge tıek etti. Mınıstr men komıssııa mú­she­leriniń qolynan dıplom, medal al­ǵan úzdik ustaz­dardyń qusha­ǵy gúlge toldy. Qazaqstannyń tanymal óner juldyzdary júrekjardy lebizderin arnap, ánnen shashý shashty.

Respýblıkalyq básekede bıyl 178 pedagog baq synady. Jeńimpazdardy elimiz­diń úzdik pedagogtary, ádis­te­melik kabınetterdiń ádis­ker­leri, biliktilikti artty­rý ınstıtýttarynyń oqytý­shy­lary, kásipodaq uıymdary men Ulttyq kásipkerler pa­la­ta­synyń ókilderi, jýr­nalıs­­ter men depýtattar­dan quralǵan komıssııa anyq­ta­ǵan. Bıylǵy saltanatty shara jeńimpazdar­dyń birine Qoǵamdyq mańyzy bar bas­tamalardy damytý qory­nan «Qazaqstan muǵalimi» syı­aqysynyń berilýimen erek­­­­she­­lendi. Al jeńimpazdar ara­­syn­­­daǵy eń úzdik 10 ju­mys «Álem muǵalimi-2020» ha­­lyq­ara­lyq konkýrsyna jiberilmek.

Aıta keteıik, bıyl 8-shi ret uıymdastyrylǵan baı­qaýǵa osyǵan deıin barlyǵy 35 127 pedagog qaty­syp, mek­tepke deıin­gi, orta, tehnıka­lyq jáne kásiptik bilim berý júıe­sindegi 432 pedagog 1000 AEK (bıylǵy beki­til­gen mól­sherge sáıkes 2,5 mln teńge­den asady) kóle­min­de aqshalaı syıaqy­men jáne «Úzdik pedagog» tósbelgisi­men marapattalǵan.

Álemniń damyǵan el­derin­de úzdik ustazdardy ulyq­taý, marapattaý, qur­met kórsetý sonaý 1950 jyldardaǵy «Jyl pedagogy» baıqaýynan bastaý alǵan-dy. Amerıka tájirıbesinde bul ulttyq syılyq sanalady. Onda jeńimpazdar­ǵa «Jyldyń ulttyq pedagogy» degen ataq beredi, ıaǵnı baıqaý deńgeıi men osy syılyqtyń bedeli ulttyq nagradalarmen teń turady. Al baıqaý jeńimpazynyń esimi Ýıkıpedııa ensıklopedııasyna engizilip, Aq úıde bolady jáne arnaıy syılyq­ty AQSh prezıdentiniń ózi tapsyrady. Amerıkalyqtar bul baıqaýda jeńimpazdy ómirbaıany, suhbattasý jáne 8 essesi boıynsha anyqtaı­dy. Budan bólek, uıymdas­tyrý komıteti óz betinshe baı­qaý­ǵa ótinish bergen qatysý­shy­nyń áriptesterinen, oqý­shy­l­arynan jáne olardyń ata-ana­larynan pikir alady.

Al elimizde Parlamenttiń qaraýyn­­daǵy «Pedagog már­te­besi tý­raly» zań jobasy aıa­syn­da pedagog­tarǵa «Qazaq­­­stan­nyń eńbek sińir­gen ustazy» memlekettik ma­ra­pat­taýy­nyń kózdelgeni kór­setilipti. Shetelde ótken ǵasyr­dyń ortasy­nan ulttyq deń­geı­­degi syılyq sanalatyn us­taz­­dardyń nagradasyn mem­le­kettik marapat qataryna endi ǵana engizgeli otyrmyz.

Bıylǵy baıqaý jeńimpazy, Qara­ǵandy gýmanıtarlyq kol­ledjiniń tarıh jáne qo­ǵam­dyq-saıası pánder oqytý­shy­sy Altaı Bódeuly elimizde ustaz­dar­dyń osyndaı qurmetke ıe bolýy úlken mártebe ekenin jet­kizdi. «Qazaq – óziniń hat tanyt­qan ustazyna qyryq jyl sálem beretin halyq. Keńes óki­meti tusynda da pedagog­tar­dyń orny bıikte boldy. Ke­­ıin­gi toqyraý jyldary kún kó­re almaı, ala dorba arqalap ket­­ken zamanda osy bir qurmet kúrt úzilip qaldy. Qazir bári ońa­­lyp keledi. Bizge qaı mara­pat­­ty qalaı bergeninen bu­ryn úz­dik­ke laıyq kórýi mańyz­dy­raq. Oǵan erekshe qýanamyz», deıdi.

Baıqaýdan bir baıqa­ǵa­­ny­­myz, ustazdar kishigirim kó­ńil­diń ózin zor yqylaspen qabyl alady eken. Biraq biz bári­bir olardyń ulttyq deńgeıde ulyq­­­talǵanyn qalaımyz.