О́zbek basshysy О́zbekstannyń tolyqqandy múshe retinde Túrki keńesine qosylýy týraly tarıhı sheshimniń mańyzdylyǵyn atap ótti jáne resmı saparmen alǵash kelgen Bas hatshyny Tashkentke jyly shyraımen qarsy aldy. Sondaı-aq Prezıdent bul sheshim О́zbekstannyń ulttyq múddelerine jaýap beretindigine jáne eldiń barlyq saladaǵy baýyrlas túrki tildes memlekettermen jemisti jáne kópjaqty yntymaqtastyǵynyń naqty áleýetin ashýǵa oń áser etetinine senim bildirdi.
Shavkat Mırzıeev О́zbekstannyń qazirgi kezeńdegi damý kózqarasymen bólisti jáne kúshti memlekettik ınstıtýttar, turaqty naryqtyq ekonomıkasy jáne halyqtyń ómir súrý deńgeıi joǵary zamanaýı О́zbekstandy qurýǵa baǵyttalǵan ishki reformalar týraly aıtty.
Túrki Keńesiniń Bas hatshysy О́zbekstannyń Keńes qyzmetine belsendi qatysýy Túrki Keńesi aıasyndaǵy kópjaqty yntymaqtastyqtyń kókjıegin keńeıtip qana qoımaı, sonymen qatar, túrkitildes memleketterdiń birlesken áleýetin aıtarlyqtaı nyǵaıtatynyn atap ótti.
B. Ámireev О́zbekstan Prezıdenti Sh. Mırzıeevtiń basshylyǵymen qazirgi О́zbekstandy reformalaýda úlken tabystarǵa qol jetkizgenin atap ótti jáne ekonomıkany yryqtandyrý, eldegi bıznes-ortany jáne ınvestısııalyq ahýaldy jaqsartý isindegi keń aýqymdy ózgeristerdiń nátıjeleri baıqalyp otyrǵanyn atap ótti.
Prezıdentti shaǵyn jáne orta kásipkerlikti damytýǵa arnalǵan Bakýdegi aldaǵy 7-sammıtke daıyndyq barysy týraly habardar ete otyryp, Túrki Keńesiniń Bas hatshysy ekonomıkalyq yntymaqtastyqty jan-jaqty damytý aldaǵy jyldardaǵy uıym qyzmetinde basty basymdyq bolatynyn atap ótti. Osyǵan baılanysty ol Prezıdentti jaqynda qurylǵan Túrki saýda-ónerkásip palatasy (TPP), múshe memleketterdegi shaǵyn jáne orta kásiporyndardy (ShOK) qoldaý úshin ınvestısııalyq qor qurý jónindegi kúsh-jiger, sondaı-aq, osy kúnderi Tashkentte ótip jatqan Túrki Iskerlik keńesi men ınvestısııalyq forýmnyń jumys barysy týraly habardar etti.
B. Ámireev Sh. Mırzıeevke Býdapeshtte Eýropalyq ofıs-Túrki Keńesiniń ókildigi ashylǵany týraly, sondaı-aq, TurkPA, TURKSOY, Túrki akademııasy jáne Túrki murasy mádenıet qory sııaqty keńestiń affılırlengen uıymdarynyń qyzmeti týraly habarlady.
Túrki Keńesiniń tıimdi óńirlik qurylym retindegi zor áleýetin atap ótip, Prezıdent Sh Mırzıeev pen Bas hatshy B. Ámireev múshe memleketter arasyndaǵy, ásirese, saýda, ınvestısııa, ınnovasııa, kólik, týrızm jáne jastar saıasaty sııaqty basym salalarda kópjaqty yntymaqtastyqty damytýdy qoldaıtynyn aıtty.
Taraptar О́zbekstannyń qosylýy múshe elder arasyndaǵy dostyq pen baýyrlastyqtyń tarıhı qarym-qatynastaryn aıtarlyqtaı baıytatynyna senim bildirdi.
