PIK turǵyndardyń qarajatyn jymqyrdy

Bul týraly par­tııanyń qala­lyq fılıalynda ót­ken otyrys­ta qala ákimi Al­taı Kólginov aıt­ty. Shahar bas­shysynyń aı­týyn­sha, byltyr 140-tan astam kóp­páterli tur­ǵyn úı salynsa, bıyl onyń kóle­mi memlekettik jáne jeke qara­jat esebinen sa­lynǵan baspa­nany qosa alǵanda 35 myńǵa jet­ken. Qazirgi ýa­qytta 300-ge jýyq turǵyn úıdiń qurylysy júr­gizilip jatyr. Dese de sany óskenimen sapaǵa kelgende másele kúrdeli.

– Onyń ishinde sapasyz qu­ry­lys jumystary, shatyrdan aqqan sý, avtoturaqtardy sý basý faktileri, aýlalardy retsiz abattandyrý, aýmaqtardyń sa­nı­tarlyq tazalyǵy, sondaı-aq qo­qys shyǵarýǵa qatysty ózekti máseleler kóp. Qys mezgili ja­qyndap qaldy. Qar shyǵarýǵa baı­lanysty problemalar da jeterlik, – dedi A.Kólginov.

Qala ákiminiń sózin Nur Otan par­tııasynyń hatshysy Marat Sembekov te qýattap, bul rette saıa­sı uıym arnaıy zertteý júr­giz­genin jetkizdi. Onyń nátı­jesi kórsetkendeı Qazaqstannyń árbir úshinshi azamaty páter ıeleri kooperatıvine kúmánmen qaraıtyny anyqtaldy. Sebebi olar jumystaryn jasyryn túrde júrgizedi dep jaýap bergen respondentter.

 – Nur-Sultan jáne Almaty qalalaryndaǵy keıbir jekelegen uıymdar turǵyndardan jınalǵan 70-80% aqshany óz maqsattaryna paıdalanǵany belgili boldy. Bul qarajat negizinen baspanany kútip ustaýǵa jumsalýy tıis edi. Kóp jaǵdaıda qurylys kompanııalary úıdi salǵannan keıin ony basqarý úshin ádeıi qosalqy uıym qurady. Sol sekildi ortaq menshiktegi jertólelerdi jáne úıdiń ústińgi qabatyndaǵy bos oryndardy jalǵa berip, satýmen aınalysady. Búginde Par­lamentte turǵyn úı-kommýnal­dy sharýashylyǵyna baılanys­ty zańǵa ózgeris engizý máselesi qaras­tyrylyp jatyr. Ol tur­ǵyn úı qoryn basqarýdy jetil­dirýge arnalǵan. Biraq birnár­seni eskerý qajet. Turǵyn úı qo­ryn tıimdi basqarý tek tur­ǵyn­dardyń belsendiligi arqy­ly ǵana júzege asady, – dedi M.Sembekov.

Elorda ákimi PIK-ti qoldaý úshin bıýdjettiń mıllıondaǵan somasy jumsalǵanyn aıtady. Biraq onyń qalaı jáne qaıda jumsalyp jatqany belgisiz deıdi. 2018 jyly jumysyna sal­ǵyrt qaraǵan 428 sýbekt ákim­shilik jaýapkershilikke tartylsa, bıyl bul kórsetkish 278 sýbektini quraǵan. 4 qurylys salýshy lısenzııadan aıyryldy.