Prezıdent halyqqa Joldaýynda aıtqan basty bes baǵyt elimizdiń odan ári damý jolyn kórsetkendeı. Iаǵnı zaman talabyna saı tıimdi memleket qurý; azamattardyń quqyqtary men qaýipsizdigin qamtamasyz etý, qarqyndy damyǵan jáne ınklıýzıvti ekonomıka, áleýmettik jańǵyrýdyń jańa kezeńi, qýatty óńirler – qýatty el.
Prezıdent halyqqa Joldaýynda qazir elimizde eleýli oryn alyp otyrǵan birqatar máselege toqtaldy. Keıbir kemshilikter men qaıshylyqtarǵa qarsy tıimdi kúres júrgizýdiń ońtaıly quraly zamanaýı tıimdi memleket qurý ekendigin atap ótti. Ár baǵytqa naqty toqtala kele, tórtinshi, ıaǵnı áleýmettik jańǵyrýdyń jańa kezeńi baǵytynda bilim berý sapasynyń jaqsarýy jaıly oı josparymen bólisti. Memlekettiń damýynda bilim berý salasy strategııalyq mańyzǵa ıe. Prezıdent Joldaýynda aýyl mektepterindegi bilim berý salasyn jetildirý jaıly aıtyldy. Negizgi másele – aýyldyq jerlerdegi bilikti pedagog kadrlardyń tapshylyǵy ekenin kórsetken Prezıdent qala men aýyl mektepteri arasyndaǵy orta bilim sapasy alshaqtap bara jatqanyn aıtty. Búgingi tańda aýyl mektepterinde pedagog mamandardyń tapshylyǵy sezilýde. Sol sebepti «Dıplommen – aýylǵa!» baǵdarlamasyn qarqyndy júzege asyrý máselesi de tys qalmaýy kerek. Sonymen qatar elimizdegi joǵary oqý oryndary jumysynyń sapasyn arttyrýǵa kúsh salý qajet. Prezıdent aıtqandaı, maman daıarlaý isi elimizdegi jáne ǵalamdaǵy eńbek naryǵynan tys qalmaǵany jón. Jastardyń básekege qabiletti, bilikti maman bolyp shyǵýy úshin joǵary oqý ornyndaǵy bilim berý sapasyn kóterý isi basty máselege aınalýy kerek.
Tuńǵysh Prezıdent – Elbasy 2019 jyldy Jastar jyly dep jarııalaýyna baılanysty Prezıdentimiz Qasym-Jomart Toqaev ta jas urpaqty qoldaý – bolashaqty qorǵaý ekendigin bildirdi. Táýelsizdik alǵannan beri Elbasynyń pármenimen dúnıege kelgen «Bolashaq» baǵdarlamasy el jastaryna álemniń úzdik oqý oryndarynda bilim alý múmkindigin ashyp berdi. Daryndy aýyl jastaryn iriktep, otandyq jáne sheteldik joǵary oqý oryndaryna daıyndaý kerek. Memleket – oqımyn, toqımyn dep talpynǵan jas azamattar úshin barlyq jaǵdaıdy jasap otyr. Tek bilim ǵana emes, otansúıgishtik rýhta tárıbeleý isin de basty nazarda ustaý kerek.
Ǵylym salasyndaǵy ahýal erekshe nazar aýdarýdy talap etedi. Elimizde ǵylym salasyn qarjylandyrý kóptegen bastamanyń nátıjeli bolýyna septigin tıgizedi. Biz ǵylymsyz elimizdiń damýyn qamtamasyz ete almaımyz. Memlekette ekonomıka men ǵylym salasynda tyǵyz baılanys ornatylǵan jaǵdaıda, memlekettik resýrstar, qazba baılyqtar ıgerilip, memlekettiń paıdasyna júzege asyrylatyn bolady.
Kelesi 2020 jyly memleketimiz álemge áıgili ǵulama ǵalymdar, ult ustazdary ál-Farabıdiń 1150 jyldyq, Abaıdyń 175 jyldyq mereıtoılaryn atap ótkeli otyr. Ultty tárbıeleımin desek, Abaıdyń óleńderimen, shyǵarmalarymen sýsyndatý kerek. Sebebi Abaı men ál-Farabı shyǵarmalaryndaǵy adam boıyndaǵy qasıetter adamgershilik tárbıesi, eńbek etý, bilim jáne ǵylym, adamgershilik rýh pen ádilettilik jaıly jazylýy, eńbekteriniń óshpes mura ekendigine kepildik beredi. Prezıdentimizdiń halyqqa Joldaýyndaǵy bes basty baǵyttarynyń júzege asyrylýy memleketimizdi odan ári damyta túsetini sózsiz.
Aıjan AKPAR,
Sh.Ýálıhanov atyndaǵy
Tarıh jáne etnologııa ınstıtýtynyń kishi
ǵylymı qyzmetkeri
