«Altyn Ordanyń 750 jyldyǵyn tól tarıhymyzǵa, mádenıetimiz ben tabıǵatymyzǵa týrıster nazaryn aýdarý turǵysynan atap ótken jón. Týrızmdi damytý úshin qajetti ınfraqurylym júrgizýdi, sonyń ishinde jol salyp, bilikti mamandar daıyndaýdy qamtamasyz etý qajet», degen bolatyn.
Joldaýdaǵy bul oıy birneshe jyldyq ıdeologııalyq jáne ınfraqurylymdyq keshendi jumystyń jemisi. Sebebi buǵan deıin «Rýhanı jańǵyrý» jáne «Uly dalanyń jeti qyry» baǵdarlamalyq maqalalardyń arqasynda elimizde júzdegen tabıǵı-tarıhı eskertkishter qalpyna keltirildi. Qazir jekelegen oblystar osy baǵdarlamalar aıasynda ol nysandardy aımaqtyq týrızm ındýstrııasynyń nysanyna aınaldyrýǵa jaqyn. Jol salyp, jaryq tartyp týrıstik baǵyttar jasap jatqany belgili. Máselen, Qaraǵandy oblysynda Taldy arheologııalyq eskertkishter kesheni mańynda arnaıy joba jasalýda. Jaqyn bolashaqta ol jerde sheńberli týrıstik baǵyttar bolady. Al Aqmola oblysy barlyq tarıhı nysandar tizimin jasap, qalpyna keltirdi. Ol Býrabaı týrıstik aımaǵyna kiriktirilmek. Botaı qonysynyń maketin Kókshe etegine ornalastyrýy sol oılastyrylǵan jumystyń jemisi. Bizdegi týrızmniń basty ereksheligi etnotýrızm nysandaryna baı. Prezıdent sony meńzep, Joldaýy arqyly ıdeıany generasııa jasap otyr. Tutas qurlyqtaǵy geosaıası ahýaldyń negizi bolǵan Altyn Ordanyń 750 jyldyǵy otandyq týrızmdi birden halyqaralyq arenaǵa kóterýdiń tóte joly. Endi Úkimetke otandyq týrızm áleýetine ǵylymı baǵa berý, jumysty keshendi uıymdastyrý mindeti tur.
Azamat KEŃESULY,
bloger, Qazaqstan Jýrnalıster
odaǵynyń múshesi
