AÁK bólýdiń jańartylǵan modeli Elbasy Nursultan Nazarbaev bastamashy bolǵan «Áleýmettik qamqorlyq» áleýmettik sharalarynyń qısyndy jalǵasy jáne Prezıdent Qasym-Jomart Toqaevtyń «Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» Qazaqstan halqyna arnaǵan Joldaýynda berilgen tapsyrmalaryn oryndaý maqsatynda ázirlengen.
Qazaqstan Respýblıkasynyń eńbek jáne halyqty áleýmettik qorǵaý mınıstri B. Nurymbetov 2020 jyldyń 1 qańtarynan bastap áleýmettik qoldaý sharalarynyń keshendi tásili men ataýly sıpatyn qabyldaýdy qarastyratyn zań jobasyn tanystyrdy.
1) 4 nemese odan da kóp kámeletke tolmaǵan balasy bar nemese 23 jasqa deıingi kúndizgi bólimde oqıtyn stýdentteri bar barlyq kóp balaly otbasylarǵa memlekettik járdemaqy engizý;
2) Otbasynyń barlyq múshelerine kedeılik shegi men otbasynyń jan basyna shaqqandaǵy ortasha tabysynyń arasyndaǵy aıyrmashylyq retinde toqsan saıynǵy AÁK taǵaıyndaý, bul jaǵdaıda otbasynyń jumysqa jaramdy músheleri jumys isteýi tıis, al memleket jumysqa ornalasýǵa jáne bıznespen aınalysýǵa kómektesetin bolady;
3) Memlekettiń az qamtylǵan otbasylardaǵy balalardy kepildendirilgen áleýmettik paketpen qamtamasyz etýi: 1-den 6 jasqa deıingi balalar tamaqpen, gıgıenalyq quraldarmen jáne bilim berý qyzmetterimen, al 6 jastan 18 jasqa deıin — mektepterde tegin ystyq tamaqpen, qalalyq qoǵamdyq kólikte kúndelikti tegin jol júrýmen, mektep formasymen, oqý quraldarymen qamtamasyz etiledi.
Premer-Mınıstr qaralyp otyrǵan máseleniń mańyzdylyǵy joǵary ekenin atap ótti.«Biz halyqty áleýmettik qoldaý tetikterin júıeli túrde jetildirip otyramyz. Bul baǵytta kóptegen aýqymdy jumystar atqaryldy, ol Elbasynyń erekshe baqylaýyna alynǵan. Memleket basshysy Qasym-Jomart Kemeluly Toqaev atap ótkendeı, kómek kórsetý tetigi “ashyq ári ádiletti bolyp, adamdardy beıqamdyqqa emes, eńbek etýge yntalandyrýy tıis», — dedi A. Mamın.
Úkimet basshysy Eńbek jáne halyqty áleýmettik qorǵaý mınıstrligine ákimdiktermen birlesip, óńirlerde AÁK berýdiń jańa tásilderi týraly túsindirý jumystaryn uıymdastyrýdy, qazan aıynyń sońyna deıin tıisti zań jobasyn Parlamentke usynýdy, al óńirlerdiń ákimderine AÁK usyný boıynsha túzetilgen sharalardyń naqty oryndalýyn qamtamasyz etýdi tapsyrdy.«Azamattarymyz kómekke muqtaj adamdardyń bári – az qamtylǵandar, kóp balaly otbasylar men balalar memlekettiń qorǵaýynda bolǵanyn jáne solaı qalatynyn bilýi kerek. Jumys isteı alatyndarǵa – olarǵa oqýdan ótýge, mamandyq alýǵa, jeke kásip ashýǵa, jumysqa ornalasýǵa barlyq jaǵdaı jasalyp jatyr», — dep atap ótti Premer-Mınıstr.
