Atalmysh sport túrinen ótken stýdenttik lıga oıyndarynda 12 joǵary oqý ornynyń sportshylary baptary men baqtaryn synaǵan.
«Olımpıadalyq ereje boıynsha júrgizilgen jarystyń irikteý kezeńinde Qyzdar ýnıversıtetiniń quramasy qarsylastaryna ese jibermeı jartylaı fınalǵa joldama aldy. Jartylaı fınalda oqý ornynyń komandasy Qazaq sport jáne týrızm akademııasynyń voleıbolshylarymen kezdesti. Tartysty ótken oıynda pedagogıkalyq ýnıversıtettiń boıjetkenderiniń asyǵy alshysynan túsip, 1:2 esep nátıjesimen jeńiske jetti», – deıdi oqý ornynyń resmı ókili Jandar Asan.
Fınalda Qazaq ulttyq qyzdar pedagogıkalyq ýnıversıteti men Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń sportshylary ózara myqtyny anyqtady. Altyn medal úshin ótken oıynda arýlar ordasynyń voleıvolshylarynyń aıy ońynan týyp, jeńis tuǵyryna kóterildi. Esep –2:1, 5:4, 15:10, 16:14.
«Aıta keteıik, Qyzdar ýnıversıtetiniń qurama komandasyn jarysqa Dene shynyqtyrý jáne sport kafedrasynyń aǵa oqytýshysy, voleıboldan QR sport sheberi Sáýle Nurpeıisova daıyndady. Bul jaǵajaı voleıbolynan pedagogıkalyq bilim ordasynyń eń iri jetistikteriniń biri ekendigin atap ótken jón», – deıdi oqý ornynyń resmı ókili.
