Barlyq jumysqa tııanaqtylyq, ynta men yjdaǵattylyq tek eńbekaqy laıyqty deńgeıde tólengende ǵana bolatyny belgili. Bárimiz de kúnkórisimizdiń jalǵyz kózi – eńbekaqymyzdyń joǵarylaý bolǵanyn qalaımyz. Uzaq jyldar mádenıet salasynda eńbek etip kele jatqan bizdiń de armanymyz sol, eńbekaqymyz laıyqty, turmystyq deńgeıimizdiń jaqsy bolǵany.
Joldaýdyń «Áleýmettik jańǵyrýdyń jańa kezeńi» atty bóliminiń tórtinshi tarmaǵynda Prezıdent biz týraly arnaıy aıtqan eken. Ol óziniń sózinde: «Biz mádenıet salasynda jumys isteıtin azamattarǵa jetkilikti túrde kóńil bólmeı otyrmyz. Bul – eń aldymen kitaphana, mýzeı, teatr qyzmetkerlerine qatysty másele. Olardyń eńbekaqysy sońǵy jyldary múlde kóbeıgen joq» dedi. Qandaı naqty, dóp aıtylǵan sózder. Basqa salalardyń eńbekaqylary azdy-kópti kóbeıip jatqanda bizdiki únemi bir orynnan qozǵalmaıtyn edi. Al tutyný taýarlary men kyzmetterdiń baǵalary kúnnen-kúnge artyp barady. Sonyń saldarynan ózimizdiń turmystyq ahýalymyzdyń tómendep bara jatqanyn sezinýshi edik. Endi Prezıdent osyny atap kórsetip, «kelesi jyldan bastap Úkimet mádenıet qyzmetkerleriniń eńbekaqysyn kóbeıtýi kerek» dep naqty tapsyrma berdi. Biz osyǵan qatty qýanyp qaldyq. Prezıdent naqty aıtqannan keıin eńbekaqylarymyz da laıyqty deńgeıge kóteriler degen úmittemiz.
Ásemgúl QYDYBEKOVA,
«Abylaı han
rezıdensııasy» mýzeı kesheni dırektorynyń orynbasary
Petropavl
