О́zge etnos ókilderiniń memlekettik tilge qurmeti erekshe

Sanaǵa serpilis bergen «Rýha­nı jańǵyrý» baǵdarlamasy aıasynda Qazaqstan halqynyń til­deri kúni merekesine oraı áskerı bólimniń bólinister ara­synda «Tilder – halyqtar dosty­ǵynyń elshisi» atty festıval ótti. Fes­tıvaldyń maqsaty – mem­le­ket­tik tildiń mártebesin asyrý jáne ózge etnostardyń tilderin qur­met­­teýge shaqyrý.

Festıvalǵa Qazaqstan halqy Assambleıasy Qostanaı obly­sy fılıalynyń ókilderi, «Dostyq» úıiniń túrli etnostyq birlestik­teriniń ókilderi shaqyryldy. Me­reıli merekeni saıys túrinde uıymdastyryp, ónerli sarbazdardan quralǵan tórt komanda sahnada túrli etnostardyń má­denıeti men ulttyq taǵamdaryn keńinen tanystyrdy. Mysaly, 1 jedel maqsattaǵy rotasy nemis, 2 jedel maqsattaǵy rotasy ýkraın, 1 atqyshtar rotasy uıǵyr, ma­terıaldyq jáne tehnıkalyq qam­tamasyz etý rotasy qazaq ul­­tynyń salt-dástúrlerinen, ádet-ǵuryptarynan kórinister usyndy. Joǵary deńgeıde ótken festıvalde Qostanaı qalalyq fılarmonııasynyń ártisteri óner kórsetti. Sharada shyrqalǵan án­der­diń deni patrıottyq turǵyda bol­dy. Atalǵan til festıvalinde ma­terıaldyq jáne tehnıkalyq qam­tamasyz etý rotasynan qural­ǵan qazaq ultynyń komandasy je­ńimpaz atandy. Kózdiń jaýyn alar ulttyq kıimderi men bı­leri ózge qatysýshylardan basym tús­ti. Sondaı-aq Qostanaı qala­sy­­nyń О́lketaný murajaıy da is-sha­­raǵa arnap, túrli etnostardyń má­denıetinen syr shertetin jádi­ger­lerin usyndy.

Áskerı bólimde aksııa jal­ǵasy retinde «Qazaq tiliniń la­­­tyn grafıkasyna kóshý» ta­qyrybyndaǵy dárister, Qa­zaqstan kompozıtorlar oda­ǵy­nyń múshesi, kompozıtor Qa­­lybek Derbısaldınmen kez­de­sýler, «Til sheberi», «Myń bir maqal-mátel» baıqaýlary, «О́z halqyńnyń tarıhyn jáne dás­túrin bilesiń be?» atty vıktorınalar jáne «Tilder jáne ult­tyq kod» taqyrybynda Elbasy saǵaty uıymdastyrylyp, «Mem­lekettik tilde oqımyz» kitap kór­mesi usynyldy.

Qazaq tiliniń qoldanys aýqy­myn keńeıtý – barsha qazaq­standyqtardyń mindeti. Bul min­detti júzege asyrýda Ulttyq ulan qatarynda boryshyn ótep júrgen, memlekettik tildi meń­ger­gen ózge etnos ókilderinen qu­ralǵan áskerı qyzmetshiler de at­salysyp júr. Mundaı úlgili jandar áskerı bólimderde az emes.

 Muratbek QUDAIBERGENOV,

maıor

QOSTANAI