2016 jyldyń qańtarynda oblys aýdandarynda, aýyldarda 406 kitaphana bolsa, búgin olardan 255 kitaphana ǵana qaldy. Onyń basty sebebi ishki-syrtqy kóshi-qonnyń toqtamaýy ekeni belgili. Kóptegen aýyldarda az ǵana tútin qalǵandyqtan, ol jerde kitaphana ustaý jergilikti bıýdjetke tıimsiz. Amalsyzdan aldyńǵylardyń biri bolyp kitaphana jabylady.
«Biz bul úderiske eshteńe isteı almaı otyrmyz. Aýylda qansha adam qalsa da, kitaphana olardyń baratyn orny. Merzimdi baspasózderdi alyp oqıdy, kitap alady degendeı, bas qosatyn oryn da kitaphana, óıtkeni túrli sharalar ótkizdi. Aýyl, aýdan ákimderine osylaı túsindirip aıtamyz, biraq nátıje onshalyqty joq» dedi Darıǵa Dúısebaeva.
Sonymen qatar ol L.Tolstoı atyndaǵy ortalyq ámbebap kitaphana jaǵdaıyn da aıtty. Ol 40 jyldan beri jóndeý jumysyn kórmegen, qysta sýyq, jazda tym ystyq. «Úmitimizdi úzbeımiz, aldaǵy jyldary jóndeletin bolýy tıis» dedi ol.
