Halyq qalaýlylary turǵyndarǵa bir tereze qaǵıdasy boıynsha zańgerlik, psıhologııalyq, áleýmettik keńes pen kómek kórsetetin «Januıa» ortalyǵynyń jumysymen tanysty.
Sondaı-aq depýtattarǵa elordalyq kóp balaly analarǵa jańadan óz isin bastap, tabys tabýǵa úıretetin «Kásipker ana» ortalyǵynyń jumysy týraly aqparat berildi.
Aıta keteıik, ashylǵan ýaqyttan beri búgingi kúnge deıin 6042 másele boıynsha 3666 adam ortalyqtyń kómegine júgindi. Ortalyqqa keletin ótinishterdiń kóbi ataýly áleýmettik kómek, baspana, nesıe boryshyn óteý máselelerine qatysty. 6042 ótinishtiń 4861-i boıynsha júıeli konsýltasııa berildi: AÁK esepteý júrgizilip, qujattardy jańartý, kezekke qoıý, memlekettik baǵdarlamalarǵa qatysý erejesi túsindirildi, nesıelik boryshyn óteý, bıznes ashý, kóshe saýdasy, alıment boryshyn óndirý boıynsha zańgerlik keńes, kóshi-qon, zańsyz kúreý, ajyrasý jáne t.b.
Sondaı-aq 1180 másele boıynsha sheshim qabyldandy. Onyń ishinde ataýly áleýmettik kómekti taǵaıyndaý, jumysqa turǵyzý, qysqa merzimdi kýrstarda oqytý. Buǵan qosa, «Januıa» ortalyǵy qyzmeti sheńberinde bilim berý, densaýlyq saqtaý boıynsha jáne (emhana tirkeý, dárigerdiń qabyldaýyna jazý), psıhologııalyq kómek kórsetildi. Ortalyq bazasynda 157 is-shara ótkizilip, ol 4500 adamdy qamtydy.
Munda qala ákimi, onyń orynbasarlary, aýdan ákimderi men basqarma basshylary turaqty túrde jeke kezdesý ótkizip, halyqpen jumys isteıdi. Ár apta saıyn ata-analar, oqýshylar men múmkindigi shekteýli balalarǵa arnalǵan psıhologııalyq jáne motıvasııalyq trenıngter ótip turady.
