Sapar aıasynda Qazaqstan men Reseı syrtqy saıası vedomstvolarynyń basshylary shaǵyn jáne keńeıtilgen quramda kelissózder júrgizdi. Taraptar saıası, ekonomıkalyq salalardaǵy, tranzıt-kóliktik, energetıkalyq, áskerı-tehnıkalyq salalardaǵy Qazaqstan-Reseı yntymaqtastyǵynyń aǵymdaǵy jaı-kúıi men damý perspektıvalaryn, TMD, EAEO, UQShU, ShYU jáne AО́SShK sııaqty halyqaralyq uıymdar men óńirlik ıntegrasııalyq birlestikter sheńberindegi ózara is-qımyldy talqylady.
О́ńirlik jáne halyqaralyq kún tártibiniń ózekti aspektileri, onyń ishinde jahandyq jáne óńirlik qaýipsizdikti qamtamasyz etý, Sırııa boıynsha kelissózder prosesi, Aýǵanstandaǵy jaǵdaı jáne t.b. máseleler boıynsha pikir almasyldy.
Budan basqa, aǵymdaǵy jyldyń sońyna deıin josparlanǵan joǵary deńgeıdegi ekijaqty jáne kópjaqty is-sharalardy daıyndaý máselelerine, onyń ishinde Omby qalasyndaǵy Qazaqstan men Reseıdiń aldaǵy XVI aımaqaralyq yntymaqtastyq forýmy, Bishkek qalasyndaǵy UQShU Ujymdyq qaýipsizdik keńesi jáne t.b. is-sharalarǵa erekshe nazar aýdaryldy.
Qazaqstan Reseımen ózara is-qımyldy dástúrli túrde Qazaqstannyń syrtqy saıasatynyń negizgi basymdyqtarynyń biri retinde qarastyrady. Syrtqy ister mınıstri M. Tileýberdiniń aıtýynsha: «bul sapar eki eldiń syrtqy saıası vedomstvolarynyń saýda-ekonomıkalyq jáne mádenı-gýmanıtarlyq qatynastardy odan ári nyǵaıtý jáne keńeıtý jónindegi qajyrly jumysynyń jemisin kórýge múmkindik berdi».
Kezdesý sońynda taraptar elderimiz arasyndaǵy strategııalyq jáne odaqtastyq áriptestikti odan ári nyǵaıtý men keńeıtýge beıildiligin rastady.
Reseı SIM basshysyn Nur-Sultanǵa jasaǵan sapary barysynda Qazaqstan Respýblıkasynyń Prezıdenti K. Toqaev qabyldady. Kezdesýde eki eldiń syrtqy saıası vedomstvolarynyń basshylary Memleket basshysyn ótkizilgen kelissózderdiń nátıjeleri jáne Qazaqstan-Reseı qarym-qatynastaryn tereńdetý jónindegi odan ári júrgiziletin jumys týraly habardar etti.
