Aımaqtar • 10 Qazan, 2019

Týǵan jerdegi tosynsyı

34 ret kórsetildi

Oqyrmanǵa «О́zime sabaq», «Aqyl qalta» eńbekteri arqyly etene tanys ǵalym-jazýshy Myrzageldi Kemel bıyl 70 jasqa tolyp otyr. Osynaý aıtýly kúnge oraı Qazaqstan Jazýshylar odaǵynyń múshesi, Halyqaralyq «Alash» ádebı syılyǵynyń laýreaty, Prezıdent janyndaǵy Memlekettik basqarý akademısynyń professory, aýdarmashy, qalamger Myrzageldi Kemel Shymkent qalasyndaǵy «Otyrar» ǵylymı-ámbebap kitaphanasynda oqyrmandarmen kezdesti.

Qazaq oqyrmandaryna rýhanı olja salǵan sanatkermen kezdesýge jınalǵan jurttyń qatary kóp boldy. Jazýshy Erkinbek Turysov, belgili aqyn Narmahan Begalıev bastaǵan el aǵalary mereıtoı ıe­siniń ómiri men shyǵarmashylyǵy týraly syr shertti.

Kezdesý barysynda kitap oqý mádenıeti tómendep bara jatqan tus­ta oqyrmannyń suranysyna oraı saýatty, tyń týyndylar jaz­ǵan qalamgerdiń eńbekteri jaıly ǵıbratty áńgime shertildi.
Jazýshy úshin eń úlken syılyq atalǵan kitaphana ǵımaraty ishinen óziniń mýzeı-kabınetiniń ashylýy boldy.

«Negizi oqyrmandarmen kezdesýge shaqyrǵan edi. Biraq osyndaı tosynsyı jasap otyr. Álemniń 20 elinde bolsam da, mundaı qurmet kórgen joqpyn. Qazir elordada turamyz, aldaǵy ýaqytta otbasymyzben týǵan jerge kóship kelip, qyzmet etýdi jos­parlap otyrmyz. Keleshekte bul bólme keremet suhbat alańyna aınalady dep úmittenemin. Osy isti uıym­dastyrǵan «Otyrar» kitapha­nasynyń basshylyǵyna alǵysymdy bildiremin», dedi tebirenisin jasyra almaǵan aǵamyz.

Tyńdarmannyń qulaq quryshyn qandyryp, oqyrmanǵa tereń oı salǵan kesh sońynda ol jastarǵa jáne qoǵam múshelerine rýhanı qun­dylyqtar syılaıtyn «Me­ıirim», «Jazbasha trenıng» atty ja­ńa kitaptaryn tanystyrdy. Av­tordyń aıtýynsha, bul kitaptar ja­qyn arada aýqymdy taralymmen ja­ryqqa shyqpaq. Al budan bylaı jazý­shynyń shyǵarmasyn izdeý­shiler mýzeı-kabınetine kelip, bar­lyq kitaptaryn oqı alady. «Aqyl qal­tadan» bastap jýyrda ǵa­na jaryq kór­gen «Jetilýdiń 7 joly» atty eńbe­gine deıin osynda qo­ıylǵan.

Avtor joǵaryda atalǵan shy­ǵar­malarynan bólek, izgilik pen ıman­dylyqqa, bilim men pa­rasat­qa úndeıtin kitaptar jazyp, qytaı ǵulamalary Lao Szy ilimi men Kon­fý­sıı traktattaryn tárji­malaǵan bolatyn.

Bul ıgi is-shara avtor­dyń 70 jyl­dyq mereıtoıyna úlken tartý boldy.

ShYMKENT

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar