Cybaılas jemqorlyqqa qarsy is-qımyl agenttigi men Syrtqy ister mınıstrligi, sondaı-aq Investısııalar jáne damý mınıstrlikteri arasyndaǵy yntymaqtastyq týraly memorandým aıasynda júzege asyrylyp jatqan joba kelisimshartqa qol qoıǵan kásipkerlerge Qazaqstan aýmaǵynda aptasyna 7 kún, táýligine 24 saǵat sybaılas jemqorlyq derekterinen qorǵaýǵa kepildik beredi. О́z kezeginde kásipkerlerden bıznesterin tek ádil, ári ashyq jolmen júrgizý suralady. Sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń habarlaýynsha, birqatar seriktestik júzege asyrylyp jatqan jobanyń ıgiligin kórip te úlgergen.
О́ńirde qurǵaq túıe sút ónimderin óńdeıtin «Golden Camel» JShS-ne belgisiz bireýler arnaıy mekemeden kelgenderin aıtyp, tekserý jumystaryn júrgizbek bolǵan. Alaıda, óreskel quqyq buzýshylyqtarmen taǵaıyndalǵan tekseriske kúdiktengen seriktestik basshylyǵy kelisimshartqa otyrǵan “Protecting Business and Investments” jobalyq keńsesimen baılanysyp, tekserý taǵaıyndaǵan memlekettik organǵa jedel habarlasqan. Nátıjesinde aqparattyq taldaý jumystary júrgizilip, atalǵan tekserý departament tarapynan taǵaıyndalmaǵany jáne tekserý jumysyn júrgizýge kelgen azamattar alaıaqtar ekeni anyqtalǵan. Osyndaı oqıǵa kelisimshartqa qol qoıǵan “Djon Ban Metall Prom” JShS-inde de oryn alǵan. Bul mekeme jumysyna kóshi-qon polısııa tarapynan tekseris jumystary júrgizilgendigi jáne zańdy túrde Respýblıka aýmaǵynda júrgen shetel azamattarynyń qujattaryn alyp ketkeni týraly aqparatty seriktestik qyzmetkerleri jobalyq keńsege jetkizedi. Atalmysh keńseniń aralasýymen tez arada zańsyz alynǵan qujattar ıelerine qaıtarylǵan.
Bıznesti qorǵaý, qolaıly ınvestısııalyq jaǵdaı jasaý jáne kásipkerler úshin sybaılas jemqorlyq derekteri boıynsha qysymdardy tómendetý basym baǵyttarynyń biri bolyp tabylatyn aýmaqtyq departament jobalyq keńse oblystaǵy barlyq bıznes sýbektilerimen birlese, quqyq jáne zań buzýshylyqtarǵa jol bermeý maqsatynda jumys isteýge daıyn ekenin málimdeýde.
