«Bul jan-jaqty oılanyp qabyldanǵan sheshim boldy. 30 jyl boıy el basqardym. Ár ýaqytta halyq meni tańdap, daýys bergenine alǵysymdy bildiremin. Ár nárseniń óz ýaqyty bar. Qatyp qalǵan qaǵıda esh jerde joq. Jańa ózgerister kerek boldy. Ár basshy óziniń jańalyǵymen keledi. Sondyqtan bul oılana kele qabyldanǵan sheshim boldy. Bul qadam óte oryndy boldy dep oılaımyn. Eshqandaı ókinish joq. Memleket basshysy retinde laıyqty adamdy tańdadym dep aıta alamyn», dedi Nursultan Nazarbaev.
Sondaı-aq Elbasy álem elderiniń basshylarynan kóptegen habarlamalar kelip túskenin aıtty.
«Maǵan álemniń jetekshi elderiniń basshylarynan kóptegen habarlamalar kelip tústi. Olardyń aıtýynsha, bizdiń eldegi bıliktiń beıbit jaǵdaıda aýysýy kópke úlgi bolyp otyr», dedi Tuńǵysh Prezıdent N.Nazarbaev.
