«Eldiń senimin arqalap 30 jyl ishinde 100 jylǵa tatıtyn sharýany atqardyq. Meniń seriktes, zamandastarymmen birge biraz jumys isteldi. Onyń barlyǵy elge málim. Mysaly osy 30 jyl ishinde eldiń ál-aýqaty úshin eń mańyzdy ekonomıka salasy biraz kóńil qýantarlyq kórsetkishter kórsetti. Bıyl ekonomıkamyz 20% ósti. Búginge deıin 2000-ǵa jýyq emhanalar, 1500-den asa mektepter, 1000-ǵa jýyq balabaqshalar salyndy. Munyń barlyǵy halyqtyń ál-aýqatyn jaqsartý úshin jasaldy», dedi ol.
Budan soń, Elbasy eldegi ortasha ómir súrý jasy edáýir óskeni jaıynda aıtyp ótti.
«Áleýmettik qamqorlyqtyń arqasynda, qazaqstandyqtardyń ortasha jasy 67 jastan 73 jasqa jetti. Buıyrtsa bul kórsetkish odan ári ósip, 80 jasqa deıin jetedi degen oıdamyn», dedi N.Nazarbaev.
