Al Almaty qalasynyń namysyn M.Áýezov atyndaǵy №128 mekteptiń 5 synyp oqýshysy Mıras Maksımov qorǵaıtyn boldy. 120 qatysýshynyń ishinen ozyq kóringen jas óren endi aqtyq saıysqa joldama alyp otyr.
Respýblıkalyq, halyqaralyq baıqaýlardyń Gran-prı ıegeri, «Ǵumyr-darııa» baıqaýynyń júldegeri, «Nurly jastar», «Kúnshýaq», «Dara bala» jobalarynyń qatysýshysy Mıras Maksımov elimizdiń barlyq aımaqtarynda 28 naýryzdan bastap júrgizilgen eń aýqymdy jáne tanymal «Bala daýysy» balalar án baıqaýyna qatysyp, júzden júırik, myńnan tulpar atandy.
«Bul mektebimizdiń maqtanyshy, jaryq juldyzy desek te bolady. Bul baladan úmitimiz óte zor. Qala boıynsha «Bala daýysy» baıqaýynyń fınalısi bolyp otyr. Túgel ujym bolyp, oqýshylarymyzben birge jankúıer retinde Maksımdi qoldaýǵa baramyz», – dedi Almaty qalasy M. Áýezov atyndaǵy № 128 mektep dırektory Jannat Esdáýletova.
«Balama tek sáttilik tileımin. Árıne, qobaljý ústindemiz. Tek Mıras qana emes, ustazy da, mektep te, ata-anasy da tolqyp júrmiz. О́ıtkeni bul jerde jalǵyz Mırastyń ne otbasynyń ǵana emes, mektebiniń, ustazdarynyń, jalpy Almaty qalasynyń namysy tur. Almaty – alyp shahar. Qala atynan shyǵatyn bolǵandyqtan, bizge artylatyn júk te aýyr», – dedi M. Maksımovtyń anasy Janat Zıneshova.
«Mıraspen jumys isteýdiń ózi óte qyzyq. Ol mýzykaǵa tolyǵymen beriledi. Án aıtqan kezinde jandanyp ketedi. О́ziniń ereshke ıdeıalary bar, árdaıym jańashyldyqqa talpynyp turady. Mıras osydan eki jyl buryn vokalǵa qatysa bastady, sol kezden beri «Bala daýysy» baıqaýyna barsam dep armandaıtyn, daıyndalyp, asyǵa kútetin. Bıyl mine, sáti túsip, osyndaı úlken deńgeıdegi saıysqa joldama alyp otyr», – dedi M. Maksımovtyń vokaldyq jetekshisi Ásııa Turǵanbaeva.
Elimizdiń Mádenıet jáne sport mınıstrliginiń, QR Tuńǵysh Prezıdenti-Elbasy qorynyń qoldaýymen ótetin Álııa Nazarbaevanyń «Jandaný álemi» qoǵamdyq qorynyń avtorlyq jobasy – «Bala daýysy» Ulttyq balalar án baıqaýynyń tórtinshi maýsymy 24-26 qazan kúnderi Almaty qalasynda aıaqtalady. Aqtyq saıysta eldiń ár aımaǵynan keletin taǵy 16 jas daryn baqtaryn synaıdy. Ulttyq óner ınstıtýtynda bilim alý granty men Dısneılendke saıahatty utyp alatyn Gran-prı ıesin ádil qazylar alqasy men telekórermender tańdaıdy.
ALMATY