Bıznes-forýmda segiz qujatqa qol qoıyldy

«Qazaqstannyń Tuńǵysh Pre­zıdenti N.Nazarbaevtyń saıasatynyń arqasynda Qazaqstan-Moń­ǵolııa qatynastarynyń ilgeri­leýine, damýyna negiz qalan­dy. Prezıdent Q.Toqaev syrtqy saıa­sattaǵy sabaqtastyqty usta­na otyryp, Mońǵolııamen ynty­maq­tastyqty tıimdi damytýǵa basa mán beredi», dedi A.Mamın.

Úkimet basshysy Qazaqstan men Mońǵolııanyń ınvestısııalyq yntymaqtastyqty, ásirese taý-ken, kólik-logıstıkalyq, qurylys jáne aýyl sharýashylyǵy salalarynda keńeıtýi úshin úlken áleýet bar ekenin atap ótti.

A.Mamın eki eldiń bıznes­men­derin iskerlik baılanystardy bel­sendi túrde retke keltirýge, bir­lesken kásiporyndar qurýǵa já­ne ózara tıimdi yntymaqtastyq jo­balaryn iske asyrýǵa shaqy­ra otyryp, Qazaqstannyń ınves­tı­sııa­lyq ahýaly týraly aıtyp berdi.

О́z kezeginde Ý.Húrelsúh Qazaq­stannyń Táýelsizdik jyldary jáne naryqtyq ekonomıkaǵa kósh­kennen keıin ekonomıkanyń tu­raqty damýy men qolaıly ınves­tısııalyq ahýaldy qamtama­syz ete otyryp, úlken jetistik­ter­ge qol jetkizgenin atap ótti.

«Bizde saýda-ekonomıkalyq jáne ınvestısııalyq yntymaq­tas­tyqty keńeıtý úshin eleýli múm­kindikter bar. Osy bıznes-forým eki el arasyndaǵy iskerlik qaty­nastar men ekonomıkalardyń da­mýyna serpin beretinine se­nimdimin», dedi Mońǵolııanyń Premer-Mınıstri.

Forým aıasynda Qazaqstan men Mońǵolııanyń iskerlik orta­la­rynyń ókilderi eki eldiń Úki­metter basshylarynyń qaty­sýy­men 8 qujatqa qol qoıdy. Olar:

«Symbat Engineering» JShS men «Erdenes alt resýrs» ara­syndaǵy qazaqstandyq taraptyń Mońǵolııada altyn men kúmis óńdeý boıynsha affınaj zaýytyn salý men onyń paıdalanýǵa berýi týraly kelisimi;

«Qazaqstan mıneraldy shı­kizatty keshendi óńdeý boıynsha Ulttyq ortalyǵy» RMM men mońǵolııalyq «Koeýs kon­sal­tıng» arasyndaǵy «Ferro­sı­lıkoalıýmınııa» ınno­vasııalyq qorytpasyn óndirý zaýytyn salý» birlesken kásip­ornyn qurý týraly kelisim;

Qazaqstannyń Syrtqy saýda palatasy men Mońǵolııanyń Ulttyq saýda-ónerkásip pala­tasynyń arasyndaǵy ynty­maq­tastyq týraly memorandým;

«SCAT» áýe kompanııa­sy» men Mongolian Airways Cargo LLC arasyndaǵy ushatyn ekıpaj­dardy, jer betinde qyzmet kórsetetin mamandardy oqytý, avıasııalyq-tehnıkalyq qyzmet kórsetý týraly memorandým;

Qazaqstandyq «Antıgen» ǵylymı-óndiristik kásiporny» JShS men mońǵolııalyq «Glo­bal bıznes lınk» kompanııasy arasyndaǵy veterınarlyq-ımmý­nobıologııalyq preparattar men dıagnostıkalyq testilerdiń ekijaqty eksporttyq operasııalaryn damytý, sondaı-aq vete­rınarlyq preparattar óndirisi men veterınarlardy oqytý orta­lyq­taryna birlesken ınvestısııa­lar týraly memorandým jáne taǵy basqalary.

Forýmǵa eki eldiń isker­lik ortasynyń, ulttyq kompa­nı­ıa­larynyń, ekonomıka sala­syndaǵy mınıstrlikter men vedomstvolardyń ókiletti ókil­deri qatysty. Eki eldiń saýda-ekonomıkalyq jáne ınvestı­sııalyq ózara is-qımylyn damytý perspektıvalary týraly Ulttyq ekonomıka mınıstri R.Dá­lenov, Qazaqstannyń Syrtqy saý­da palatasynyń basqarma tóra­ǵasynyń orynbasary N.Bókeı­hanov, «QazAgro» holdıngi» AО́K AQ, «KazakhExport» eksporttyq saq­tandyrý kompanııasy» AQ, «Kazakh Invest» UK» AQ ókilderi, Mońǵolııanyń Ulttyq saýda-ónerkásip palatasynyń prezıdenti O.Amartývshın, Mońǵolııanyń Azyq-túlik, aýyl sharýashylyǵy jáne jeńil ónerkásip mınıstri Ch.Ýlaan, Mońǵolııanyń Taý-ken jáne aýyr ónerkásip mınıstri D.Sýmıaabazar baıandama jasady.