Jetisý – Ońtústik pen Shyǵysty jalǵaıtyn kópir

Qalaı bolǵanda da, oblysta qyzý júrip jatqan, elimizdiń Ońtústigi men Shy­­­ǵysyn jal­ǵaıtyn tran­zıt­­tik dáliz bo­ıyndaǵy qa­zirgi kedergiler ýa­qyt­sha qıyndyq qana. О́ıt­keni óńir arqyly ótetin 312 shaqyrymdyq «Tal­dyqorǵan – О́skemen» avto­joly men uzyndyǵy 184 shaqyrym bolatyn «Úsharal-Dostyq» avtojolyn salý josparǵa sáıkes aldaǵy 3 jyldyń ishinde aıaq­talýǵa tıis. Odan ári avto­bannyń qurylysy Shy­ǵys Qazaqstan obly­synyń aýma­ǵynda jal­ǵasady.

Al ishki joldardyń denine kúrdeli jóndeý ja­­salyp, kóbisi jańadan tó­selgen eken. Máselen,  aı­maq­taǵy 17 aýdan­ men 2 qa­­lanyń tynys-tir­shiligine jan bitirip turǵan qozǵalys ózegi ispetti ishki jol­dyń jal­py uzyndyǵy 6138,6 shaqyrymdy quraıdy. О́t­ken jyly osy ishki qa­tynas jo­ly­nyń sapasyn saraptaǵan mamandar, jol sapasy 78,1 paıyzǵa jaq­sardy degen sheshim shy­­ǵardy.

Jalpy, Almaty oblysyn­da jergilikti mańyz­da­ǵy joldardy salý men jón­deý­ge jyl saıyn 30 mlrd teńgege jýyq qar­jy bólinedi. Al bıyl ish­ki joldardaǵy qaýip­siz jáne úzilissiz qozǵa­lysty qam­­tamasyz etý maq­satyna 17 359,815 mln teń­ge qaras­tyrylǵan. Onyń ishin­de 6 374,117 mln teńge – res­pýb­lı­kalyq bıýdjetten, qal­ǵan 10 985,698 mln teńgesi jer­gilikti bıýdjetten bólingen. Endi osy qar­jyǵa aımaqtaǵy 23 shaqyrym joldy qaıta salý men jańǵyrtý jumystary júrip jatyr.

Aıtpaqshy, Almaty qalasy men Taldyqorǵan qalasyna deıingi 270 shaqyrymǵa jýyq kúrejol álemdik standartqa saı salynyp, jolaýshylarǵa qyzmet kórsetýde. Al «Qorǵas – Shyǵys qaqpa» arnaıy eko­nomıkalyq aýmaǵynan bastalatyn avtokólik joly elimizdiń batysyna qaraı jalǵasyp, kúnshyǵys pen batys Eýropany jaqyndata tústi.

Kúrejoldyń ekonomıka­lyq kiris kózi retinde qalyp­ta­sýynyń dálelin oblys aýmaǵynda eki baǵyt boıyn­sha aqyly trassanyń iske qosy­lýyn aıtýǵa bolady. Jyl basynda Almaty – Qapshaǵaı, Almaty – Qorǵas tas joly aqyly qyzmet kórsetýge kóshti. Qazir kó­lik ıeleri Almaty qa­la­synan Qap­shaǵaı qalasyna deıingi 42 shaqyrym joldy júrip ótkeni úshin 200 teńge kóleminde aqy tóleıdi. Dál osyndaı ádis Almaty qalasy men «Qorǵas» shekara mańy yntymaqtastyq ortalyǵy aýmaǵyna deıingi kólik dálizine de qoldanylýda.

Úlken Almaty aınalma kólik joly qurylysynyń bas­talýy da  Almaty oblysynyń aýmaǵyndaǵy joldardyń damýyna qosylǵan súbeli úles bolmaq. Jurt «BAKAD» dep ataıtyn alyp qurylystyń alǵashqy nátıjesi aldaǵy 4 jyl ishinde belgili bolmaq. Al joldyń tolyq daıyn bolýy 2036 jylǵa deıin sozylady eken. Demek, elimizdiń Ońtústigi men Shyǵysyn jalǵap jatqan Jetisý joldarynyń mańyzy arta bermek.

Almaty oblysy