Qazaqstan Respýblıkasy Prezıdentiniń Jarlyǵy № 524

Sársenbi, 27 naýryz 2013 1:43

«A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalaryn bekitý týraly

«Memlekettik qyzmet týraly» 1999 jylǵy 23 shildedegi Qazaqstan Respýblıkasynyń Zańyna sáıkes qaýly etemin:

1. Qosa berilip otyrǵan «A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalary bekitilsin.

2. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

3. Osy Jarlyq alǵashqy resmı jarııalanǵan kúninen bastap, biraq 2013 jylǵy 26 naýryzdan erte emes, qoldanysqa engiziledi.

Sársenbi, 27 naýryz 2013 1:43

«A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalaryn bekitý týraly

«Memlekettik qyzmet týraly» 1999 jylǵy 23 shildedegi Qazaqstan Respýblıkasynyń Zańyna sáıkes qaýly etemin:

1. Qosa berilip otyrǵan «A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalary bekitilsin.

2. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

3. Osy Jarlyq alǵashqy resmı jarııalanǵan kúninen bastap, biraq 2013 jylǵy 26 naýryzdan erte emes, qoldanysqa engiziledi.

Qazaqstan Respýblıkasynyń Prezıdenti

N.NAZARBAEV.

Astana, Aqorda, 2013 jylǵy 22 naýryz

№ 524

Qazaqstan Respýblıkasy Prezıdentiniń 2013 jylǵy 22 naýryzdaǵy  № 524 Jarlyǵymen bekitilgen

«A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalary

1. Jalpy erejeler

1. «A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizýdiń osy qaǵıdalary «Memlekettik qyzmet týraly» 1999 jylǵy 23 shildedegi Qazaqstan Respýblıkasynyń Zańynyń 12-babynyń 2-tarmaǵyn jáne 14-babynyń 10-tarmaǵyn iske asyrýdy qamtamasyz etedi.

2. «A» korpýsynyń memlekettik ákimshilik qyzmetiniń kadr rezervine irikteýdi (budan ári – «A» korpýsynyń kadr rezervi) Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııa (budan ári – Ulttyq komıssııa) Qazaqstan Respýblıkasynyń azamattary arasynan júzege asyrady.

3 .«A» korpýsynyń bos jáne ýaqytsha bos memlekettik ákimshilik laýazymyna konkýrstyq irikteýdi (budan ári – «A» korpýsynyń laýazymy) «A» korpýsynyń kadr rezervine alynǵan azamattar arasynan osy laýazymǵa taǵaıyndaý quqyǵy bar adam júzege asyrady.

4. О́z ókilettikterin teris sebeptermen toqtatqandardy qospaǵanda, óz ókilettikterin keminde alty aı oryndaǵan jáne qoıylatyn biliktilik talaptaryna saı keletin, Parla­ment depýtattary, turaqty negizde jumys isteıtin máslıhat depýtattary, memlekettik saıası qyzmetshiler, sýdıalar, «A» korpýsynyń memlekettik ákimshilik laýazymdaryna kadr rezervine irikteýsiz jáne konkýrstyq irikteýsiz Qazaqstan Respýblıkasy Prezıdentiniń sheshimimen ornalasa alady.

2. «A» korpýsynyń kadr rezervin jasaqtaý

5. «A» korpýsynyń kadr rezervin jasaqtaý birqatar dáıekti kezeńderdi qamtıdy:

1) «A» korpýsynyń kadr rezervine irikteý ótkizý týraly habarlandyrýdy jarııalaý;

2) kandıdattardyń qujattaryn qabyldaý jáne olardyń «A» korpýsynyń laýazymdaryna qoıylatyn arnaıy biliktilik talaptaryna sáıkestigin qaraý;

3) kandıdattardy testileý;

4) kandıdattarmen áńgimelesý;

5) Ulttyq komıssııanyń sheshimderi negizinde «A» korpýsynyń kadr rezervine alý;

6. Azamattar «A» korpýsynyń kadr rezervine irikteýge qatysý shyǵyndaryn ózderiniń jeke qarajaty esebinen júrgizedi.

7. «A» korpýsynyń kadr rezervine irikteý Ulttyq komıssııanyń jumys jos­parlarynda aıqyndalatyn merzimde ótkiziledi. Ulttyq komıssııa aıqyndaıtyn jaǵdaılarda «A» korpýsynyń kadr rezervine jospardan tys irikteý ótkizýge bolady.

8. «A» korpýsynyń kadr rezervine alynatyn adamdar sanyn Ulttyq komıssııa belgileıdi.

3. «A» korpýsynyń kadr rezervine irikteý ótkizý týraly habarlandyrýdy jarııalaý

9. «A» korpýsynyń kadr rezervine irikteý ótkizý týraly habarlandyrý memlekettik qyzmet isteri jónindegi ýákiletti organ aıqyndaıtyn ınternet-resýrs­ta jáne merzimdi baspasóz basylymdarynda jarııalanady.

10. Habarlandyrý nysanyn memlekettik qyzmet isteri jónindegi ýákiletti organ bekitedi jáne kandıdattarǵa qoıylatyn talaptardy, qujattardy qabyldaý merzimin, qujattardy resimdeýge qoıylatyn talaptar men memlekettik qyzmet isteri jónindegi ýákiletti organnyń baılanys derekterin (pochta mekenjaıy, telefon jáne faks nómirleri, elektrondyq pochta mekenjaıy) qamtıdy.

4. Qujattardy qabyldaý jáne olardyń «A» korpýsynyń laýazymdaryna qoıylatyn arnaıy biliktilik  talaptaryna sáıkestigin qaraý

11. «A» korpýsynyń kadr rezervine irikteýge qatysýǵa nıet bildirgen azamattar memlekettik qyzmet isteri jónindegi ýákiletti organǵa mynadaı qujattardy usynady:

1) jeke kýáliginiń kóshirmesi;

2) memlekettik qyzmet isteri jónindegi ýákiletti organ belgilegen nysandaǵy ótinish;

3) bilimi týraly qujattardyń notarıat ne jumys orny boıynsha kadr qyzmeti kýálandyrǵan kóshirmeleri;

4) eńbek qyzmetin rastaıtyn qujattyń notarıat kýálandyrǵan ne zańnamada belgilengen ózge de tártippen kýálandyrylǵan kóshirmesi;

5) usynymhat (keminde bireý);

6) óz qolymen toltyrylǵan ómirbaıany;

7) kandıdattardyń kásibı deńgeıi men jeke qasıetterine qa­­­tysty ózge de qujattar, onyń ishinde biliktiligin arttyrýy tý­raly qujattardyń, shet tilin meńgerý deńgeıin aıqyndaıtyn ká­­sibı emtıhan nátıjeleri týraly sertıfıkattardyń kóshirmeleri.

12. Usynymhatty berý quqyǵyna:

1) memlekettik saıası qyzmetshiler;

2) Qazaqstan Respýblıkasy Senaty, Májilisi depýtattary, oblys, respýblıkalyq mańyzy bar qala, astananyń máslıhat hatshylary;

3) laýazymǵa osy Qaǵıdalardyń 4-tarmaǵyna sáıkes Qazaqstan Respýblıkasy Prezıdentiniń sheshimimen ne Ulttyq komıssııa jasaqtaǵan «A» korpýsynyń kadr rezervinen taǵaıyndalǵan «A» korpýsynyń memlekettik ákimshilik qyzmetshileri;

4) Qazaqstan Respýblıkasynyń Prezıdentimen nemese onyń tapsyrmasy boıynsha Qazaqstan Respýblıkasy Prezıdenti Ákimshiligi Basshysynyń kelisimimen taǵaıyndalatyn ulttyq kompanııanyń, ulttyq holdıngtiń, ulttyq damý ınstıtýtynyń basqarma tóraǵalary ıe.

13. Osy Qaǵıdalardyń 11-tarmaǵy 1) – 6) tarmaqshalarynda kórsetilgen qujattardyń bireýi bolmasa, kandıdatqa «A» korpýsynyń kadr rezervine irikteýge qatystyrýdan bas tartylady.

14. Kandıdattardyń kórineý jalǵan aqparatty jáne qujattardy usyný faktileriniń anyqtalýy olardy «A» korpýsynyń kadr rezervine irikteýdiń kez kelgen kezeńinde shyǵarýǵa negiz bolyp tabylady.

15. Qujattar «A» korpýsynyń kadr rezervine irikteý ótkizý týraly habarlandyrý jarııalanǵan kúnnen bastap bir aı ishinde qolma-qol, pochta nemese elektrondyq pochta arqyly qabyldanady.

Qujattar qabyldanǵanda kandıdatqa olardyń tirkelgeni týraly qolhat, onyń ishinde elektrondyq túrde beriledi.

Qujattar elektrondyq pochta arqyly jiberilgen jaǵdaılarda, kandıdattar qujattardyń túpnusqalaryn testileý bastalǵanǵa deıingi úsh saǵattan keshiktirmeı usynady. Qujattardyń túpnusqalary usynylmaǵan jaǵdaıda kandıdat testileýge jiberilmeıdi.

16. Osy Qaǵıdalardyń 11-tarmaǵynda kórsetilgen ótinishti jáne ózge de qujattardy usynǵan kandıdattar tizimi memlekettik qyzmet isteri jónindegi ýákiletti organnyń ınternet-resýrsynda jarııalanady.

17. Memlekettik qyzmet isteri jónindegi ýákiletti organ qujattardy qabyldaý aıaqtalǵannan keıin on jumys kúni ishinde kandıdattardyń qujattaryn «A» korpýsynyń laýazymdaryna qoıylatyn arnaıy biliktilik talaptaryna sáıkestigin, eger kandıdattar memlekettik qyzmetshi bolmaǵan jaǵdaılarda «Memlekettik qyzmet týraly» Qazaq­stan Respýblıkasy Zańynyń 10-baby 4-tarmaǵynyń jáne 13-baby 1-tarmaǵynyń talaptaryna sáıkestigin qaraıdy.

18. Memlekettik qyzmet isteri jónindegi ýákiletti organ qujattardy qaraý qorytyndysy boıynsha bes jumys kúni ishinde kandıdattardy testileýge qatystyrýǵa jiberý ne jiberýden bas tartý týraly sheshim qabyldaıdy.

19. Bas tartý jaǵdaılarynda kandıdattarǵa bes jumys kúni ishinde dáleldi jaýap beriledi. Osy Qaǵıdalardyń 11-tarmaǵynda kórsetilgen qujattar kandıdattarǵa qaıtarylady.

4. Testileý

20. Kandıdattardy testileýge jiberý týraly sheshim memlekettik qyzmet isteri jónindegi ýákiletti organ bekitetin jáne aıqyndaıtyn ınternet-resýrsta jarııalanatyn tizim túrinde resimdeledi.

21. Kandıdattar testileýden memlekettik qyzmet isteri jónindegi ýákiletti organ jasaǵan keste negizinde bir aı ishinde ótedi. Testileý kestesi memlekettik qyzmet isteri jónindegi ýákiletti organnyń ınternet-resýrsynda testileý ótkizýdiń bastalý kúnine deıingi bes jumys kúninen keshiktirilmeı jarııalanady.

22. Testileý Qazaqstan Respýblıkasy Prezıdentiniń Ákimshiligimen kelisim bo­ıyn­­sha memlekettik qyzmet isteri jónindegi ýákiletti organ bekitetin tártipte ótkiziledi.

23. Ulttyq komıssııa testileýden oń nátıje alǵan kandıdattardy áńgimelesýge jiberý týraly sheshim qabyldaýǵa qajetti ózge de málimetter tizbesin aıqyndaıdy.

Ulttyq komıssııanyń jumys organy bolyp tabylatyn Qazaqstan Respýblıkasy Prezıdenti Ákimshiliginiń Memlekettik qyzmet jáne kadr saıasaty bólimi (budan ári – Ulttyq komıssııanyń jumys organy) osy tizbeni memlekettik qyzmet isteri jónindegi ýákiletti organǵa joldaıdy.

24. Memlekettik qyzmet isteri jónindegi ýákiletti organ osy Qaǵıdalardyń 23-tarmaǵynda kórsetilgen tizbe negizinde tıisti memlekettik organdarǵa jazbasha suratý joldaıdy, olar suratý kelip túsken kúnnen bastap bes jumys kúni ishinde málimetter usynady.

25. Memlekettik qyzmet isteri jónindegi ýákiletti organ osy Qaǵıdalardyń 24-tarmaǵyna sáıkes memlekettik organdardan málimetterdi alǵan kúnnen bastap on bes jumys kúni ishinde Ulttyq komıssııanyń jumys organyna testileýden oń nátıje alǵan kandıdattar tizimin joldaıdy.

Osy tizimge kandıdattardyń qujattary, olardyń testileý nátıjeleri jáne osy Qaǵıdalardyń 23-tarmaǵyna sáıkes aıqyndalatyn ózge de málimetter qosa beriledi.

26. Ulttyq komıssııanyń jumys organy kandıdattar qujattarynyń aldyn ala qaralýyn qamtamasyz etedi.

27. Qujattardy qaraý qorytyndysy boıynsha Ulttyq komıssııanyń jumys organy áńgimelesýge jiberilgen kandıdattardyń tizimi men áńgimelesý ótkizý kestesin jasaıdy.

28. Áńgimelesýge jiberýden bas tartylǵan jaǵdaılarda kandıdattarǵa osy Qaǵıdalardyń 11-tarmaǵynda kórsetilgen qujattar qaıtarylady.

5. Áńgimelesý

29. Áńgimelesý ótkizý kestesi memlekettik qyzmet isteri jónindegi ýákiletti organnyń ınternet-resýrsynda ony ótkizýge deıingi bes jumys kúninen keshiktirmeı jarııalanady.

30. Áńgimelesý ótkizý tártibin Ulttyq komıssııa aıqyndaıdy. Áńgimelesý ótkizýdi uıymdastyrýdy Ulttyq komıssııanyń jumys organy qamtamasyz etedi.

Ulttyq komıssııa aıqyndaıtyn jaǵdaılarda oblystyń, respýblıkalyq mańyzy bar qalanyń, astananyń kadr komıssııalary áńgimelesý ótkizedi jáne Ulttyq komıssııaǵa usynystar engizedi.

31. Ulttyq komıssııa kandıdattardyń qujattaryn, olardyń testileý nátıjeleri jáne osy Qaǵıdalardyń 23-tarmaǵyna sáıkes aıqyndalatyn ózge de málimetterdi qaraıdy jáne áńgimelesý ótkizedi.

32. Áńgimelesý qorytyndysy boıynsha kandıdatty «A» korpýsynyń kadr rezervine alý ne alýdan bas tartý týraly sheshim kórsetiletin áńgimelesý paraǵy toltyrylady. Áńgimelesý paraǵynyń nysanyn memlekettik qyzmet isteri jónindegi ýákiletti organ bekitedi.

33. Qajet bolǵanda Ulttyq komıssııanyń jumys organy áńgimelesýge qujattar men ózge de materıaldardy daıyndaý úshin memlekettik organdardyń laýazymdy adamdaryn tartady.

6. «A» korpýsynyń kadr rezervine alý

34. «A» korpýsynyń kadr rezervine alý týraly usynymdardy shyǵarýdy Ulttyq komıssııa júzege asyrady.

35. Ulttyq komıssııanyń sheshimderi negizinde memlekettik qyzmet isteri jónindegi ýákiletti organ «A» korpýsynyń kadr rezervin jasaqtaıdy.

36. «A» korpýsynyń kadr rezervine alynǵan adamdar tizimi memlekettik qyzmet isteri jónindegi ýákiletti organ aıqyndaıtyn ınternet-resýrsta bes jumys kúni ishinde jarııalanady.

7. «A» korpýsynyń bos jáne ýaqytsha bos laýazymyna ornalasýǵa konkýrstyq irikteý

37. «A» korpýsynyń bos jáne ýaqytsha bos laýazymyna konkýrstyq irikteýdi osy laýazymǵa taǵaıyndaý quqyǵy bar adam ótkizedi.

Eger Qazaqstan Respýblıkasynyń Prezıdenti ózgeshe belgilemese, taǵaıyndaýlardy Qazaqstan Respýblıkasynyń Prezıdenti júzege asyratyn «A» korpýsynyń laýazymdaryna ornalasýǵa konkýrstyq irikteýdi Qazaqstan Respýblıkasy Prezıdentiniń Ákimshiligi ótkizedi.

Eger Qazaqstan Respýblıkasynyń Premer-Mınıstri ózgeshe belgilemese, taǵaıyndaýlardy Qazaqstan Respýblıkasynyń Premer-Mınıstri júzege asyratyn «A» korpýsynyń laýazymdaryna ornalasýǵa konkýrstyq irikteýdi Qazaqstan Respýblıkasynyń Premer-Mınıstri Keńsesi ótkizedi.

38. Konkýrstyq irikteý ótkizgende memlekettik qyzmet isteri jónindegi ýákiletti organ jazbasha suratýdy alǵan kúnnen bastap úsh jumys kúni ishinde «A» korpýsynyń kadr rezervine alynǵan azamattardyń tizimin usynady.

39. «A» korpýsynyń laýazymyna ornalasýǵa konkýrstyq irikteý osy laýazymǵa taǵaıyndaý quqyǵy bar adamnyń sheshimi boıynsha qujattardy qaraý jáne/nemese áńgimelesý ótkizý arqyly júzege asyrylady.

«A» korpýsynyń laýazymyna ornalasýǵa konkýrstyq irikteý ótkizetin memlekettik organnyń personaldy basqarý qyzmeti (kadr qyzmeti) kandıdattarmen áńgimelesý ótkizgen jaǵdaıda, kandıdattardy áńgimelesý ótkizý orny men ýaqyty týraly ony ótkizý kúnine deıingi úsh jumys kúninen keshiktirmeı habarlandyrý, «A» korpýsynyń osy laýazymynyń fýnksıonaldyq mindetterine sáıkes keletin suraqtar tizbesin ázirleý qamtamasyz etiledi.

Kandıdattarmen áńgimelesýdi osy laýazymǵa taǵaıyndaý quqyǵy bar adam júzege asyrady. Osy Qaǵıdalardyń 37-tarmaǵynda kórsetilgen memlekettik organdarda áńgimelesýdi osy memlekettik organdardyń basshylary aıqyndaıtyn laýazymdy adamdar ótkizedi.

Áńgimelesýdi alqaly túrde ótkizý kezinde onyń qory­tyndylary men qabyldanǵan sheshim hattamamen resimdeledi.

40. Qoldanystaǵy zańnamanyń talaptaryn eskere otyryp, «A» korpýsynyń laýazymyna taǵaıyndaý osy laýazymǵa taǵaıyndaý quqyǵy bar adamnyń sheshimimen júzege asyrylady. «A» korpýsynyń laýazymyna taǵaıyndaýdy rastaıtyn qujattyń kóshirmesi memlekettik qyzmet isteri jónindegi ýákiletti organǵa usynylady.