Qazaqstan Respýblıkasy Memlekettik qyzmet isteri agenttiginiń buıryǵy № 06-7/32

Beısenbi, 28 naýryz 2013 1:19

2013 jylǵy 19 naýryz

Bos ákimshilik memlekettik laýazymǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalaryn bekitý týraly

«Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 14-babyna sáıkes buıyramyn:

1. Qosa berilgen Bos ákimshilik memlekettik laýazymǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalary bekitilsin.

2. Tizilimge sáıkes Qazaqstan Respýblıkasynyń Memlekettik qyzmet isteri agenttigi (budan ári – Agenttik) Tóraǵasynyń keıbir buıryqtarynyń kúshi joıyldy dep tanylsyn.

3. Agenttiktiń Memlekettik qyzmetti ótkerý bólimi (T.Q. Jumaǵulov) osy buıryqtyń Qazaqstan Respýblıkasynyń Ádilet mınıstrliginde memlekettik tirkeýdi jáne Qazaqstan Respýblıkasynyń zańnamasymen belgilengen tártipte resmı jarııalaýdy qamtamasyz etsin.

Beısenbi, 28 naýryz 2013 1:19

2013 jylǵy 19 naýryz

Bos ákimshilik memlekettik laýazymǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalaryn bekitý týraly

«Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 14-babyna sáıkes buıyramyn:

1. Qosa berilgen Bos ákimshilik memlekettik laýazymǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalary bekitilsin.

2. Tizilimge sáıkes Qazaqstan Respýblıkasynyń Memlekettik qyzmet isteri agenttigi (budan ári – Agenttik) Tóraǵasynyń keıbir buıryqtarynyń kúshi joıyldy dep tanylsyn.

3. Agenttiktiń Memlekettik qyzmetti ótkerý bólimi (T.Q. Jumaǵulov) osy buıryqtyń Qazaqstan Respýblıkasynyń Ádilet mınıstrliginde memlekettik tirkeýdi jáne Qazaqstan Respýblıkasynyń zańnamasymen belgilengen tártipte resmı jarııalaýdy qamtamasyz etsin.

4. Osy buıryq alǵashqy resmı jarııalaý kúninen bastap, biraq  2013 jyldyń 26 naýryzynan erte emes koldanysqa engiziledi.

Tóraǵa     Á.BAIMENOV.

Qazaqstan Respýblıkasy Memlekettik qyzmet isteri agenttigi Tóraǵasynyń 2013 jylǵy 19 naýryzdaǵy № 06-7/32 buıryǵymen bekitilgen

Memlekettik ákimshilik laýazymdarǵa  ornalasýǵa konkýrs ótkizý jáne konkýrs  komıssııasyn qalyptastyrý  qaǵıdalary

Osy Memlekettik ákimshilik laýazymdarǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalary (budan ári – Qaǵıdalar) «B» korpýsy memlekettik ákimshilik laýazymdaryna ornalasýǵa konkýrs (budan ári – konkýrs) ótkizýdiń jáne memlekettik organdarda konkýrs komıssııasyn qalyp­tas­tyrýdyń sharttary men tártibin aıqyndaıdy jáne «Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 14-babyna sáıkes ázirlendi.

1. Jalpy erejeler

1. Konkýrs Qazaqstan Respýblıkasy azamattarynyń memlekettik qyzmetke teń qol jetkizý konstıtýsııalyq quqyǵyn qamtamasyz etedi.

2. Konkýrsty «B» korpýsynyń bos nemese ýaqytsha bos memlekettik ákim­shilik laýazymdary bar (budan ári – bos laýazymdar) memlekettik organmen laýa­zymdardyń tıisti sanattaryna rezervshiler tizimi qaralǵannan keıin ótkiziledi.

3. Konkýrs jarııalaǵan memlekettik organ bos laýazymdarǵa ornalasýǵa kandı­dattarǵa irikteýdi júzege asyrý úshin konkýrs komıssııasyn qalyptastyrady.

4. Konkýrs komıssııasynyń sheshimi bos laýazymǵa ornalasýdyń nemese mundaı laýazymǵa ornalastyrýdan bas tartýǵa negiz bolyp tabylady.

5. Memlekettik organ qaıta uıymdastyrylǵan nemese taratylǵan jaǵdaıda, jarııalanǵan konkýrs onyń ótkizýdiń kez kelgen kezeńinde ol týraly mindetti túrde buqaralyq aqparat quraldaryna jarııalanyp toqtatylýǵa tıis.

2. Konkýrs ótkizýdiń sharttary men tártibi

6. Konkýrsqa:

1) «Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 10-baby 4-tarmaǵynda, 13-babynyń 1-tarmaǵynda kór­setilgen talaptarǵa sáıkes;

2) konkýrsqa qatysý úshin qujattardy tapsyrý sátinde ýákiletti organmen bel­gilengen shekti mánnen tómen emes nátıjemen testileýden ótkeni týraly qol­da­nys­taǵy sertıfıkaty bar Qazaqstan Respýblıkasynyń azamattary qatysady.

7. Konkýrs týraly habarlandyrýlar jarııalanǵannan keıin memlekettik or­gan­ǵa osy Qaǵıdalardyń 27-tarmaǵynda kórsetilgen qujattardy tapsyrǵan azamattar konkýrs qatysýshylary bolyp tabylady.

8. Konkýrs komıssııasy sheshiminiń negizinde áńgimelesýge jiberilgen konkýrs qatysýshylary bos laýazymǵa ornalasýǵa kandıdattar (budan ári – kandıdattar) bolyp tabylady.

9. Konkýrs komıssııasy konkýrsqa qatysýshylar bergen qujattardy qaraı­tyn, kandıdattarmen áńgimelesý ótkizetin jáne bos laýazymdarǵa ornalasýǵa kandı­dattarǵa irikteýdi júzege asyratyn alqaly organ bolyp tabylady.

10. Konkýrs mynadaı satylardan turady:

1) konkýrs ótkizý týraly habarlandyrýlardy jarııalaý;

2) konkýrsqa qatysýǵa tilek bildirgen azamattardyń qujattaryn qabyldaý;

3) konkýrsqa qatysýshylar qujattarynyń «B» korpýsy memlekettik ákim­shilik laýazymdaryna belgilengen biliktilik talaptaryna sáıkestigin aldyn ala qaraý;

4) kandıdattarmen konkýrs komıssııasy ótkizetin áńgimelesý;

5) konkýrs komıssııasynyń qorytyndy otyrysy.

11. Azamattar konkýrsqa qatysý shyǵyndaryn (áńgimelesý ótetin jerge kelý jáne qaıtý, turatyn jer jaldaý, baılanys qyzmetiniń barlyq túrlerin paıdalaný) ózderiniń jeke qarajattary esebinen júrgizedi.

3. Konkýrs týraly habarlandyrý

12. Ortalyq memlekettik organdarda, vedomstvolarda jáne olardyń aýmaq­tyq bólimshelerinde konkýrs ótkizý kezinde habarlandyrýlar ortalyq memle­kettik organnyń jáne memlekettik qyzmet isteri jónindegi ýákiletti organnyń (budan ári – ýákiletti organ) ınternet-resýrstarynda, sondaı-aq merzimdi bas­pasóz basylymdarynda jarııalanady.

Jergilikti bıýdjetten qarjylandyrylatyn atqarýshy organdarda konkýrs ótkizý týraly habarlandyrýlar jergilikti bıýdjetten qarjylandyrylatyn at­qa­rý­shy organdardyń jáne ýákiletti organnyń ınternet-resýrstarynda, son­daı-aq merzimdi baspasóz basylymdarynda jarııalanady.

Personaldy basqarýdyń biryńǵaı qyzmeti (kadr qyzmeti) qurylǵan jaǵdaıda habarlandyrý qurylymynda turatyn memlekettik organnyń jáne ýákiletti organnyń ınternet-resýrsynda jarııalanady.

13. Konkýrs ótkizý týraly habarlandyrýlar jarııalaǵannan keıin «Memle­kettik qyzmet týraly» Qazaqstan Respýblıkasy Zańynyń 12-baby 3-tarmaǵy, 14-babynyń 8-tarmaǵy jáne 15-1-babynyń 1-tarmaǵynda kózdelgen tártip boıynsha konkýrstyq rásimder aıaqtalǵansha, azamattardy jarııalanǵan laýazymǵa taǵaıyndaýǵa jol berilmeıdi.

14. Konkýrs ótkizý týraly habarlandyrý mynadaı málimetterden turady:

1) meken-jaıy kórsetilgen konkýrs ótkizetin memlekettik organnyń ataýy, pochta meken-jaılary, telefondary men faks nómirleri, elektrondyq pochta meken-jaılary;

2) negizgi fýnksıonaldyq mindetteri, eńbek aqysynyń kólemi men sharttary kórsetilgen bos laýazymdar ataýy;

3) memlekettik organmen aıqyndalǵan biliktilik talaptaryna sáıkes kon­kýrsqa qatysýshyǵa qoıylatyn negizgi talaptar;

4) qujattardy qabyldaý merzimi (konkýrs ótkizý týraly habarlandyrý sońǵy jarııalanǵan kúninen bastap 10 jumys kún);

5) osy Qaǵıdalardyń 26-tarmaǵynda kórsetilgen qajetti qujattar tizbesi;

6) áńgimelesý ótkizýdiń merzimi men orny.

Konkýrs belgili jumys isteý merzimi bar bos laýazymǵa ornalasýǵa konkýrs ótkizý jaǵdaıynda, bul shart konkýrs ótkizý týraly habarlandyrýda kórsetiledi.

Habarlandyrý Qazaqstan Respýblıkasynyń zańnamasyna qaıshy kelmeıtin qosymsha aqparatty, onyń ishinde konkýrs komıssııasynyń otyrysyna baıqaý­shylardy qatystyrý múmkindigi týraly aqparatty qamtýy múmkin.

4. Konkýrs komıssııasyn qalyptastyrý

15. Konkýrs komıssııasy osy Qaǵıdalarmen aıqyndalǵan tártippen tıisti laýazymǵa taǵaıyndaýǵa quqyǵy bar tıisti memlekettik organnyń basshysymen, al jaýapty hatshy laýazymy engizilgen memlekettik organdarda, jaýapty hatshymen qalyptastyrylady.

Aýdandarda, qalalarda, oblystarda tıisti ákimshilik-aýmaqtyq birlikterdiń bıýdjetinen qarjylandy­rylatyn atqarýshy organdar úshin biryńǵaı konkýrs komıssııasyn qurýǵa jol beriledi. Jergilikti bıýdjetten qarjylandyrylatyn aýdan­dyq, qalalyq, oblystyq atqarýshy organdardyń biryńǵaı konkýrs komıs­sııa­sy osy atqarýshy organdardyń basshylaryn taǵaıyndaýǵa quqyǵy bar tulǵanyń sheshimimen qurylady.

Ortalyq memlekettik organnyń aýdandyq aýmaqtyq bólimsheleri úshin orta­lyq memlekettik organnyń óńiraralyq nemese oblystyq aýmaqtyq bólimshe­lerinde biryńǵaı konkýrs komıssııasyn qurýǵa jol beriledi. Aýdandyq aýmaqtyq bólim­shelerdiń biryńǵaı konkýrs komıssııasy ortalyq memlekettik organnyń óńir­aralyq nemese oblystyq aýmaqtyq bólimshesi basshysynyń sheshimimen nemese joǵary turǵan organnyń sheshimimen qurylady

16. Konkýrs komıssııasy keminde bes músheden turady. Konkýrs komıs­sııa­sy­nyń tóraǵasy osy Qaǵıdalardyń 15-tarmaǵynda kórsetilgen tulǵamen aıqyn­dalady.

Konkýrs komıssııasynyń quramyna personaldy basqarý qyzmetiniń (kadr qyzmetiniń) qyzmetkerleri ne personaldy basqarý qyzmetiniń (kadr qyzme­tiniń) mindetin atqarý júktelgen tulǵalar, memlekettik organnyń basqa bólim­she­leriniń qyzmetkerleri, sondaı-aq osy Qaǵıdalardyń 15-tarmaǵynda kórse­til­gen tulǵamen aıqyndalatyn ózge tulǵalar engiziledi.

Konkýrs komıssııasynyń quramyna memlekettik organnyń basshysy jáne basshy orynbasary bolyp tabylatyn memlekettik saıası qyzmetshi kire almaıdy.

Konkýrs komıssııasynyń tóraǵasy osy Qaǵıdalardyń 15-tarmaǵynda kórse­tilgen tulǵanyń sheshimi boıynsha personaldy basqarý qyzmetiniń (kadr qyzmetiniń) basshysy ne ózge tulǵa taǵaıyndalady.

Biryńǵaı konkýrs komıssııasynyń quramyna ornalasýǵa ótkiziletin konkýrs bos laýazymdar bar memlekettik organdardyń nemese memlekettik organdardyń qurylymdyq bólimsheleriniń basshylary qosylady.

Konkýrs komıssııasynyń hatshysy onyń jumysyn uıymdastyrýshylyq qamta­masyz etýdi júzege asyrady jáne daýys berýge qatyspaıdy.

Konkýrs komıssııasynyń qatyspaǵan múshelerin almastyrýǵa jol berilmeıdi.

17. Konkýrs komıssııasynyń quramyna konkýrsqa qatysýshy kire almaıdy.

18. Konkýrs komıssııasy ár jarııalanǵan bos laýazym úshin sol laýazymǵa úmitker kandıdattarǵa mindetti tártipte jáne birdeı kólemde qoıylatyn suraqtardyń tizbesin bekitedi.

19. Konkýrs komıssııasy jumysynyń ashyqtylyǵy men obektıvtiligin qam­ta­ma­syz etý úshin onyń otyrysyna osy Qaǵıdalardyń 15-tarmaǵynda kór­se­­tilgen tulǵanyń kelisimi boıynsha baıqaýshylardy qatystyrýǵa jol beriledi.

Konkýrs komıssııasynyń otyrysyna baıqaýshylar retinde Qazaqstan Respýblıkasy Parlamen­tiniń jáne barlyq deńgeıdegi maslıhat depýtattarynyń, Qazaqstan Respýblıkasy zańnamasynda belgilengen tártipte akkredıttelgen buqaralyq aqparat quraldarynyń, basqa memlekettik organdardyń, qoǵamdyq birlestikterdiń (úkimettik emes uıymdardyń), kommersııalyq uıymdardyń jáne saıası partııalardyń ókilderi, ýákiletti organnyń qyzmetkerleri qatysa alady.

20. Baıqaýshylar áńgimelesý ótkizý prosesinde kandıdattarǵa suraqtar qoı­maıdy. Baıqaýshylarǵa konkýrs komıssııasynyń jumysyna kedergi keltiretin is-áreketter jasaýǵa, kandıdattardyń jeke basy derekterine qatysty málimet­terdi jarııalaýǵa, kandıdattar qatysatyn konkýrs rásimderinde olardyń tehnıkalyq jazba quraldaryn qoldanýǵa jol berilmeıdi.

21. Baıqaýshy retinde konkýrs komıssııasynyń otyrysyna qatysý úshin tul­ǵalar áńgimelesý bas­talýyna 1 jumys kúni qalǵanǵa deıin keshiktirmeı personaldy basqarý qyzmetine (kadr qyzmetine) tirkeledi. Tirkelý úshin tulǵalar personaldy basqarý qyzmetine (kadr qyzmetine) jeke basyn kýálandyratyn qujat­tyń kóshirmesin, osy Qaǵıdalardyń 19-tarmaǵynda kórsetilgen uıym­darǵa tıe­sililigin rastaıtyn qujattardyń túpnusqasyn nemese kóshirmelerin usynady.

22. Konkýrs komıssııasynyń hatshysy baıqaýshylardy áńgimelesý bastalardan buryn osy Qaǵıdalarǵa 1-qosymshaǵa sáıkes nysandaǵy jadynamamen tanystyrady.

23. Baıqaýshylar konkýrs komıssııasy otyrystarynyń hattamalarymen ta­nysýǵa jáne tıisti memlekettik organnyń basshylyǵyna jáne ýákiletti organǵa konkýrs komıssııasynyń jumysy týraly ózderiniń pikirlerin jazbasha túrde bere alady.

24. Osy Qaǵıdalardyń 15-tarmaǵynda kórsetilgen tulǵanyń kelisimi boıynsha konkýrs komıssııasynyń otyrysyna sarapshylardyń qatystyrylýyna jol beriledi. Sarapshy retinde konkýrs jarııalaǵan memlekettik organnyń qyzmet­keri bolyp tabylmaıtyn, bos laýazymnyń fýnksıonaldyq baǵyttaryna sáıkes oblystarda jumys tájirıbesi bar tulǵalar, sondaı-aq personaldy irikteý jáne joǵa­rylatý boıynsha mamandar, basqa memlekettik organdardyń memlekettik qyzmet­shileri, Qazaqstan Respýblıkasynyń Parlament jáne máslıhat depýtattary qatysa alady.

Sarapshylar áńgimelesýge qatysady, kandıdattarǵa suraq qoıady, konkýrs komıssııasynyń múshele­rine kandıdattar týraly óz pikirlerin bildiredi. Konkýrs komıssııasynyń qorytyndy otyrysyna bul tulǵalar qatyspaıdy.

25. Konkýrs aıaqtalǵanǵa deıin ýákiletti organdarǵa aqparat berýdi jáne Qazaq­stan Respýblıkasy zańda­rymen bekitilgen basqa da jaǵdaılardy qospa­ǵanda memlekettik organnyń qyzmetkerlerine konkýrs komıs­sııalarynyń qura­my, kon­kýrsqa qatysýshylar týraly jáne olardyń jeke derekterin jarııalaýǵa jol berilmeıdi.

26. Ýákiletti organnyń jáne onyń aýmaqtyq bólimsheleriniń joldamasy bo­ıynsha olardyń qyzmetkerleriniń kandıdattarmen áńgimelesýde jáne konkýrs komıssııasynyń qorytyndy otyrysyna qatysýǵa jol beriledi.

5. Qujattardy qabyldaý

27. Konkýrsqa qatysýǵa nıet bildirgen azamattar konkýrs ótkizetin mem­lekettik organǵa mynadaı qujattaryn tapsyrady:

1) osy Qaǵıdalarǵa 2-qosymshaǵa sáıkes nysandaǵy ótinish;

2) 3h4 úlgidegi sýretpen osy Qaǵıdalarǵa 3-qosymshaǵa sáıkes nysanda toltyrylǵan saýalnama;

3) bilimi týraly qujattardyń notarıaldyq kýálandyrylǵan kóshirmeleri;

4) eńbek qyzmetin rastaıtyn qujattyń notarıaldyq kýálandyrylǵan kóshirmesi;

5) Qazaqstan Respýblıkasy Densaýlyq saqtaý mınıstrliginiń 2010 jylǵy 23 qarashadaǵy № 907 buıryǵymen bekitilgen (Qazaqstan Respýblıkasynyń Nor­matıvtik quqyqtyq aktilerdiń tiziliminde 2010 jyly 21 jeltoqsanda № 6697 bolyp tirkelgen) nysandaǵy densaýlyǵy týraly anyqtama;

6) Qazaqstan Respýblıkasy azamatynyń jeke kýáliginiń kóshirmesi;

7) qujattardy tapsyrý sátinde ýákiletti organmen belgilengen shekti mán­nen tómen emes nátıjemen testileýden ótkeni týraly qoldanystaǵy sertıfıkat.

Eger azamat eńbek qyzmetin júzege asyrmaǵan jáne konkýrs jarııalanǵan bos laýazym boıynsha jumys ótili talap etilmeıtin jaǵdaılarda osy tarmaqtyń 4) tarmaqshasynda kórsetilgen qujatty usyný talap etilmeıdi.

Qujattardyń tolyq emes paketin usyný konkýrs komıssııasynyń olardy qaraýdan bas tartýy úshin negiz bolyp tabylady.

Memlekettik qyzmetshilermen tapsyrylatyn osy tarmaqtyń 3) jáne 4) tarmaqshalarynda kórsetilgen qujattardy olar jumys isteıtin memlekettik organdardyń personaldy basqarý qyzmeti (kadr qyzmeti) kýálandyra alady.

28. Azamattar bilimine, jumys tájirıbesine, kásibı sheberligine jáne bede­line qatysty (biliktiligin arttyrý, ǵylymı dárejeler men ataqtar berilýi týraly qujattardyń kóshirmeleri, minezdemeler, usynymdar, ǵylymı jarııalanymdar jáne ózge de olardyń kásibı qyzmetin, biliktiligin sıpattaıtyn máli­metter) qosymsha aqparattardy bere alady.

29. Azamattar 27-tarmaqta atalǵan, qujat tigiletin muqabada ornalasty­ryl­ǵan qujattardy qolma-qol tártipte nemese pochta arqyly qujattardy qabyldaý merziminde bere alady.

30. Azamattar osy Qaǵıdalardyń 27-tarmaǵynda atalǵan qujattardy habarlamada kórsetilgen elektrondyq pochta meken-jaıyna elektrondy túrde bere alady.

Konkýrsqa qatysý úshin osy Qaǵıdalardyń 27-tarmaǵynda kórsetilgen qu­jat­tardy elektrondyq posh­ta arqyly bergen azamattar qujattardyń túp­nusqasyn áńgimelesý bastalǵanǵa deıin bir jumys kún buryn keshiktirilmeı beredi.

Osy Qaǵıdalardyń 27-tarmaǵynda atalǵan qujattardyń túpnusqasy beril­megen jaǵdaıda tulǵa áńgimelesýden ótýge jiberilmeıdi.

31. Konkýrs komıssııasynyń materıaldary, konkýrs komıssııasynyń oń qory­tyndysyn alǵan konkýrsqa qatysýshylardyń qujattary, sondaı-aq kon­kýrs­tyq irikteýden ótpegen tulǵalardyń saýalnama, ótinish jáne ózge de qujat­tary personaldy basqarý qyzmetinde (kadr qyzmetinde) saqtalady.

Atalǵan qujattardy saqtaý merzimi Qazaqstan Respýblıkasy Úkimetiniń 2011 jylǵy 26 jeltoq­sandaǵy № 1605 qaýlysyna sáıkes aıqyndalady.

6. Konkýrsqa qatysýshylardyń qujattaryn qaraý

32. Qujattardy qabyldaý aıaqtalǵannan keıin konkýrs komıssııasy konkýrsqa qatysýshylardyń qujattaryn qaraýdy júzege asyrady.

33. Konkýrs komıssııasy usynylǵan qujattardyń biliktilik talaptaryna já­ne osy Qaǵıdalardyń 27-tarmaǵynda kórsetilgen talaptarǵa sáıkestigin qa­raıdy.

34. Konkýrs komıssııasy usynylǵan qujattardy qaraý qorytyndysy boıynsha qujattardy qabyldaý merzimi aıaqtalǵannan keıin úsh jumys kún ishinde olardyń tıisti «B» korpýsy memlekettik ákimshilik laýazymdarǵa qoıylǵan bilik­tilik talaptaryna sáıkestigi men konkýrsqa qatysýshylardy áńgimelesýge jiberý týraly sheshim qabyldaıdy. Sheshim hattama túrinde resimdeledi jáne komıs­sııanyń tóraǵasy, músheleri men hatshysy qol qoıady.

Áńgimelesýge jiberilgen kandıdattardyń tizimi konkýrs jarııalaǵan memle­ket­tik organnyń ınternet-resýrsynda jáne ǵımaratynda kópshilike kórinetin jerlerde ornalastyrylady.

Áńgimelesýge jiberilgen kandıdattar konkýrs komıssııa sheshim qabyldaǵan kúnnen bastap eki jumys kún ishinde áńgimelesý ótkizý kúni týraly konkýrs komıssııasynyń hatshysymen habarlandyrylady. Habarlandyrý qatysýshy­lar­dyń elektrondyq meken-jaılaryna jáne uıaly telefondaryna aqparat jiberý jolymen júzege asyrylýy múmkin.

Ruqsat almaǵan konkýrs qatysýshylary konkýrs komıssııasy sheshim qabyl­da­ǵannan keıin eki jumys kún ishinde bul týraly konkýrs komıssııasynyń hatshysymen habarlandyrylady.

7. Kandıdattarmen áńgimelesý

35. Áńgimelesýdiń maqsaty kandıdattardyń kásibı jáne jeke qasıetterin baǵalaý bolyp tabylady.

36. Áńgimelesýge jiberilgen kandıdattar ony kandıdattardy áńgimelesý jiberý týraly habardar etý kúninen bastap bes jumys kún ishinde konkýrs jarııalaǵan memlekettik organdarda ótedi.

37. Kandıdattardyń kásibı jáne jeke qasıetterin baǵalaý kezinde konkýrs komıssııasy biliktilik talaptaryna jáne tıisti bos laýazymnyń laýazymdyq nusqaýlaryna súıenedi.

38. Árbir kandıdatpen áńgimelesý barysy jeke túrdegi hattamamen resim­deledi nemese tehnıkalyq jazba quraldary kómegimen belgilenedi.

Kandıdatpen áńgimelesý hattamasyna konkýrs komıssııasynyń tóraǵasy, múshe­leri, kandıdat, sondaı-aq hattamalaýdy júzege asyrýshy hatshy qoldaryn qoıady.

Konkýrs komıssııasynyń tehnıkalyq jazba quraldaryn qoldanylǵany týraly konkýrs komıssııasynyń qorytyndy otyrys hattamasynda belgi jasalady.

Áńgimelesý kezinde kandıdat ta tehnıkalyq jazba quraldaryn qoldana alady. Tehnıkalyq jazba quraldaryn qoldaný konkýrs komıssııasy otyrysynyń ótýine kedergi keltirmeýi tıis.

8. Konkýrs komıssııasynyń qorytyndy otyrysy

39. Áńgimelesý ótkizilgennen keıin eki jumys kúnnen kesh emes ótkizilýi tıis qorytyndy otyrysta konkýrs komıssııasy kandıdattardy bergen qujattary, ótkizilgen áńgimelesýdiń nátıjeleri ne­gizinde baǵalaıdy jáne olardyń qatary­nan bos laýazymǵa ornalastyrý úshin irikteýdi júzege asyrady.

40. Konkýrs komıssııasynyń sheshimi kandıdat qatystyrylmaı, ashyq daýys berý jolymen qabyldanady.

41. Konkýrs komıssııasynyń sheshimi eger otyrysqa onyń quramynyń 2/3 kem emes bóligi qatyssa, zańdy dep esepteledi.

42. Komıssııa quramynan qatysýshylardyń kópshiligi daýys bergen jaǵ­daıda kandıdat oń baǵa alady. Daýystar teń bolǵan jaǵdaıda konkýrs komıssııasy tóraǵasynyń daýysy sheshýshi bolyp tabylady.

43. Konkýrs komıssııasy ýákiletti organǵa áńgimelesýden ótken kandıdattardy kadr rezervine alýǵa usynym jasaýǵa quqyǵy bar.

44. Talqylaý barysy men konkýrs komıssııasynyń sheshimi konkýrs komıs­sııasynyń tóraǵasy men músheleri, sondaı-aq hattama jasaýdy iske asyratyn hatshynyń qoldary qoıylǵan hattama túrinde resimdeledi.

45. Konkýrs komıssııasy otyrysy hattamasynyń kóshirmesi ýákiletti organǵa nemese onyń aýmaqtyq bólimshesine jiberiledi.

46. Konkýrs komıssııasy áńgimelesýden ótken kandıdattarǵa konkýrs nátı­jesi týraly, onyń aıaqtalǵanynan keıin bes jumys kún ishinde habarlaıdy.

47. Konkýrs komıssııasynyń sheshimi men konkýrs komıssııasynyń oń qory­tyndysyn alǵan kandıdat­tardyń tizimi konkýrs ótkizilgennen keıin bes jumys kún ishinde memlekettik organnyń aqparattyq qabyrǵalarynda, barshaǵa kóri­netin jerlerge, sondaı-aq onyń ınternet-resýrsyna ornalastyrylady.

9. Kandıdattyń laýazymǵa ornalasýy

48. Memlekettik organnyń basshysy, al jaýapty hatshy laýazymy engizil­gen memlekettik organdarda, jaýapty hatshy konkýrs komıssııasynyń oń qorytyn­dysyn alǵan kandıdatty jarııalanǵan laýazymǵa qabyldaıdy.

Jaýapty hatshy «Qazaqstan Respýblıkasy ortalyq atqarýshy organynyń jaýapty hatshysynyń mártebesi men ókilettikteri týraly» Qazaqstan Respýblıkasy Prezıdentiniń 2007 jylǵy 27 shildedegi № 372 Jarlyǵynda kózdelgen jaǵdaı­lar­­da kandıdatty memlekettik organnyń basshysynyń kelisimi boıynsha qabyldaıdy.

10. Shaǵym berý tártibi

49. Konkýrsqa qatysýshylar men kandıdattar ýákiletti organǵa nemese onyń aýmaqtyq bólimshesine, ne sot tártibinde konkýrs komıssııasynyń sheshimine shaǵymdana alady.

50. Ýákiletti organ nemese onyń aýmaqtyq bólimshesi konkýrs komıs­sııa­synyń sheshimine kelip túsken shaǵymdy qaraıdy jáne «Memlekettik qyzmet týraly» Qazaqstan Respýblıkasynyń Zańynyń, osy Qaǵıdalardyń, memle­kettik qyzmet týraly basqa da zańdardyń buzylǵany anyqtalǵan jaǵdaıda, konkýrs komıssııasyna qabyldanǵan sheshimdi joıýdy usynady.

51. Ýákiletti organnyń nemese onyń aýmaqtyq bólimshesiniń usynysy konkýrs komıssııasynyń burynǵy quramymen óziniń otyrysynda qaralady. Osy otyrysta konkýrs komıssııasy buryn qabyldanǵan sheshimin joıady jáne jańa­syn engizedi, ne ony ózgerissiz qaldyrady. Konkýrs komıssııasy qabyldan­ǵan sheshim týraly, ol qabyldanǵannan kúninen on jumys kún ishinde, ýákiletti organǵa nemese onyń aýmaqtyq bólimshesine jáne shaǵym bergen konkýrs qaty­sýshysyna nemese kandıdatqa habarlaıdy.

52. Konkýrs komıssııasynyń burynǵy qabyldaǵan sheshimin joıýy jáne jańasyn engizýi memlekettik organ basshysynyń, al jaýapty hatshy laýazymy engizilgen memlekettik organdarda, jaýapty hatshynyń tıisti sheshimin ózgertýi nemese qabyldaýy úshin negiz bolyp tabylady.

53. Eger konkýrs komıssııasy burynǵy qabyldanǵan sheshimdi ózgerissiz qaldyrǵan jaǵdaıda, ýákiletti organ nemese onyń aýmaqtyq bólimshesi, sondaı-aq shaǵym bergen konkýrs qatysýshysy nemese kandıdat osy sheshimdi sot tár­tibinde shaǵym bere alady.

54. О́zderine qatysty bóliginde konkýrs qatysýshylary men kandıdattar, sondaı-aq ýákiletti organ men onyń aýmaqtyq bólimsheleri konkýrs qujat­tarymen, testileý jáne áńgimelesý nátıjelerimen tanysa alady.

Memlekettik ákimshilik laýazymdarǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalaryna  1-qosymsha

Baıqaýshyǵa jadynama

Baıqaýshynyń:

konkýrs qatysýshysy týraly aqparatpen tanysýǵa;

olarmen áńgimelesýde qatysýǵa;

áńgimelesý ótkizý rásimi týraly onyń aıaqtalǵanynan keıin óz pikirin bildirýge;

konkýrs ótkizý barysy týraly jalpy baǵa berýge;

konkýrs komıssııasy otyrysynyń hattamalarymen tanysýǵa;

konkýrs komıssııasynyń jumysy týraly memlekettik organnyń basshy­lyǵyna jáne memlekettik qyz­mettik qyzmet isteri jónindegi ýákiletti organǵa ózderiniń pikirlerin jazbasha túrde berýge múmkindigi bar.

Baıqaýshy:

áńgimelesý barysyna foto-, aýdıo-, vıdeotúsirilimder júrgizýge;

konkýrs qatysýshylarynyń jeke basy derekterin jarııalaýǵa;

áńgimelesý ótkizý prosesine aralasýǵa, konkýrs komıssııasy otyrysynyń barysyna kedergi jasaýǵa;

konkýrs qatysýshylaryna qandaı da bir járdemdesýge;

konkýrs komıssııasynyń múshelerine olardyń sheshim qabyldaýynda áser etýge;

naqty konkýrs qatysýshysy týraly, onyń jeke qasıetteri týraly jarııa baǵalaýǵa jáne pikirin bildire almaıdy.

Memlekettik ákimshilik laýazymdarǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalaryna  2-qosymsha

__________________________________

(memlekettik organ)

О́tinish

Meni bos turǵan mynadaı _______________________________________________________________________________________________________ qyzmet ornyna taǵaıyndalýym úshin baıqaýǵa jiberýińizdi suraımyn.

Memlekettik ákimshilik laýazymdarǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalarynyń negizgi talaptarymen tanystym, olarmen kelisemin jáne oryndaýǵa mindetteme alamyn.

Usynylyp otyrǵan qujattarymnyń dáıektiligine jaýap beremin.

Qosa berilgen qujattar:

_________________________________________________________________

_________________________________________________________________

__________                                     ____________________________________

(qoly)                                                              (Aty-jóni)

«____»_______________ 20__ j.

Memlekettik ákimshilik laýazymdarǵa ornalasýǵa konkýrs ótkizý jáne konkýrs komıssııasyn qalyptastyrý qaǵıdalaryna 3-qosymsha

SAÝALNAMA

(О́z qolymen toltyrylady)

1. Tegi _________________________________________________________

Aty____________________________________________________________

Ákesiniń aty ____________________________________________________

2. Azamattyǵy __________________________________________________

Eger ózgertilse, ýaqytyn kórsetińiz ______________________________

3. Buryn sottalǵan ba edińiz, qashan jáne ne úshin _________________

4. Shet elde oqyǵan nemese jumys istegen kezińiz_____________________

Bolǵan elińiz ____________________________________________________

Bolǵan ýaqytyńyz _______________________________________________

Jumys istegen nemese oqyǵan jerińiz ______________________________

5. Sottyń sheshimimen jumys isteý qabiletińiz tómen nemese shektelgen

dep tanyldyńyz ba, qashan jáne ne úshin ____________________________

6. Belgili bir merzimge memlekettik qyzmetti atqarý quqynan

aıyryldyńyz ba, qashan jáne ne úshin _______________________________

7. Siz mynadaı:

1) Siz úmittengen laýazymǵa tikeleı baǵynysty;

2) Siz úmittengen laýazym tikeleı baǵynysty laýazymdardy atqaratyn memlekettik qyzmetshiniń jaqyn týysy (ata-anasy, uly, qyzy, bala asyrap alýshylar, asyrap alynǵan balalar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemeresi, jubaıy nemese zaıyby) bolyp tabylasyz ba_______________________________.

8. Tilderdi bilýi: _______________________________________________

9. Mekenjaıy jáne baılanys telefony____________________________

_______________

(jeke qoly)

 «___»_________________ 20 j.

                                                                                                                             (toltyrý kúni)

Qazaqstan Respýblıkasynyń Memlekettik qyzmet isteri agenttigi Tóraǵasynyń 2013 jylǵy 19 naýryzdaǵy № 06-7/32 buıryǵymen bekitilgen

Qazaqstan Respýblıkasynyń Memlekettik qyzmet isteri agenttiginiń kúshi joıyldy dep tanylǵan buıryqtardyń  tizimi

1. «Bos ákimshilik memlekettik laýazymdarǵa ornalasýǵa konkýrs ótkizýdiń qaǵıdasy» Qazaqstan Respýblıkasynyń Memlekettik qyzmet isteri jónindegi agenttigi Tóraǵasynyń 1999 jylǵy 24 qarashadaǵy № A-202 buıryǵy (Qazaq­stan Respýblıkasy Ádilet mınıstrliginde 1999 jylǵy 30 qarashada № 986 tirkeldi, «Kazahstanskaıa pravda» 2001 jylǵy 23 maýsymdaǵy № 149-150 jarııalanǵan).

2. «Qazaqstan Respýblıkasy Memlekettik qyzmet isteri jónindegi agenttigi tóraǵasynyń 1999 jylǵy 24 qarashadaǵy № A-202 buıryǵyna ózgertýler engizý týraly» Qazaqstan Respýblıkasynyń Memlekettik qyzmet isteri jónindegi agenttigi tóraǵasy 2000 jylǵy 18 qańtar № 02-1-7/3 buıryǵy (Qazaqstan Respýb­­lıkasy Ádilet mınıstrliginde 2000 jylǵy 7 aqpanda № 1043 tirkeldi).

3. «Qazaqstan Respýblıkasy Memlekettik qyzmet isteri jónindegi agenttigi tóraǵasynyń 1999 jylǵy 24 qarashadaǵy № A-202 buıryǵyna ózgertýler men tolyqtyrýlar engizý týraly» Qazaqstan Respýblıkasy Memlekettik qyzmet isteri jónindegi agenttigi 2000 jylǵy 25 aqpandaǵy № 2-1-7/16 buıryǵy (Qazaqstan Respýblıkasy Ádilet mınıstrliginde 2000 jylǵy 29 aqpanda № 1066 tirkeldi).

4. «Qazaqstan Respýblıkasynyń Memlekettik qyzmet isteri jónindegi agenttigi Tóraǵasynyń 1999 jylǵy 24 qarashadaǵy № A-202 buıryǵyna ózgerister men tolyqtyrý engizý týraly» Qazaqstan Respýblıkasynyń Mem­lekettik qyzmet isteri jónindegi agenttigi tóraǵasynyń 2000 jylǵy 16 maý­symdaǵy № 02-1-7/60 buıryǵy (Qazaqstan Respýblıkasy Ádilet mınıs­trliginde 2000 jylǵy 24 maýsymda № 1173 tirkeldi).

5. «Qazaqstan Respýblıkasy Memlekettik qyzmet isteri jónindegi agenttigi tóraǵasynyń 1999 jylǵy 24 qarashadaǵy № A-202 buıryǵyna ózgertýler men tolyqtyrýlar engizý týraly» Qazaqstan Respýblıkasynyń Memlekettik qyzmet isteri jónindegi agenttigi tóraǵasynyń buıryǵy 2000 jylǵy 3 qarasha № 02-1-7/154 (Qazaqstan Respýblıkasy Ádilet mınıstrliginde 2000 jylǵy 11 qarasha № 1281 tirkeldi, «Kazahstanskaıa pravda» 2000 jylǵy 18 qarashadaǵy № 294-295 jarııalanǵan).

6. «Qazaqstan Respýblıkasy Memlekettik qyzmet isteri jónindegi agenttigi tóraǵasynyń 1999 jylǵy 24 qarashadaǵy N A-202 buıryǵyna tolyqtyrý men ózgerister engizý týraly» Qazaqstan Respýblıkasynyń Memelekettik qyzmet isteri jónindegi agenttigi tóraǵasynyń 2001 jylǵy 6 maýsymdaǵy № 02-2-4/98 buıryǵy (Qazaqstan Respýblıkasy Ádilet mınıstrliginde 2001 jylǵy 14 maýsymda № 1544 tirkeldi, «Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda» jarııalanǵan, 2001 jyly, № 25, 430-qujat).

7. «Qazaqstan Respýblıkasy Ádilet mınıstrliginde 986 nomirimen tir­kelgen, Qazaqstan Respýblıkasynyń Memlekettik qyzmet isteri jónindegi agenttigi tóraǵasynyń «Bos ákimshilik memlekettik laýazymdarǵa ornalasýǵa konkýrs ótkizýdiń erejesin bekitý týraly» 1999 jylǵy 24 qarashadaǵy № A-202 buıryǵyna tolyqtyrýlar men ózgerister engizý týraly» Qazaqstan Respýblıkasynyń Memlekettik qyzmet isteri jónindegi agenttigi tóraǵasynyń 2003 jylǵy 10 sáýirdegi № 02-01-02/44 buıryǵy (Qazaqstan Respýb­lıkasy Ádilet mınıstrliginde 2003 jylǵy 13 mamyrda № 2268 tirkeldi.)

8. «Bos ákimshilik memlekettik laýazymdarǵa ornalasýǵa konkýrs ótkizýdiń Qaǵıdasy» Qazaqstan Res­pýblıkasy Memlekettik qyzmet isteri agenttigi tór­aǵasynyń 1999 jylǵy 24 qarashadaǵy № A-202 buıryǵyna ózgerister men tolyqtyrýlar engizý týraly» Qazaqstan Respýblıkasy Memlekettik qyzmet isteri agenttigi tóraǵasynyń 2005 jylǵy 21 maýsymdaǵy № 02-01-02/80 buıryǵy. Qazaqstan Respýblıkasynyń Ádilet mınıstrliginde 2005 jylǵy 27 maýsymda № 3694 tirkeldi).

9. «Qazaqstan Respýblıkasy Memlekettik qyzmet isteri agenttigi Tór­aǵasynyń «Bos ákimshilik memlekettik laýazymdarǵa ornalasýǵa konkýrs ótkizýdiń Qaǵıdasyn bekitý týraly» 1999 jylǵy 24 qarashadaǵy № A-202 buıryǵyna tolyqtyrýlar men ózgerister engizý týraly» Qazaqstan Respýblıkasy Memlekettik qyzmet isteri jónindegi agenttigi Tóraǵasynyń 2006 jylǵy 26 sáýirdegi № 02-01-02/64 buıryǵy (Qazaqstan Respýblıkasynyń Ádilet mınıstrliginde 2006 jylǵy 25 mamyrda № 4239 tirkeldi, «Kazahstanskaıa pravda» gazetinde 2006 jylǵy 3 maýsymdaǵy № 138-139 (25109-25110) jarııalanǵan).

10. «Qazaqstan Respýblıkasy Memlekettik qyzmet isteri agenttigi Tóraǵasynyń keıbir buıryqtaryna tolyqtyrýlar men ózgerister engizý týraly» Qazaqstan Respýblıkasy Memlekettik qyzmet isteri jónindegi agenttigi Tóraǵasynyń 2007 jylǵy 9 aqpandaǵy № 02-01-02/113 buıryǵy (Qazaqstan Respýblıkasynyń Ádilet mınıstrliginde 2007 jylǵy 7 qyrkúıekte № 4920 tirkeldi, «Zań gazetinde» 2007 jylǵy 4 qazandaǵy № 152 (1355), Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda, 2007 jyly, shilde-qyrkúıek, jarııa­lanǵan).

Buıryq Qazaqstan Respýblıkasynyń Ádilet mınıstrliginde 2013 jylǵy 20 naýryzda Normatıvtik quqyqtyq kelisimderdi memlekettik tirkeýdiń tizilimine №8380 bolyp engizildi.