Qazaqstanda qoqysty kádege jaratý isine erekshe mán berile bastady.
Osy oraıda, qaldyqtardy óńdeýdi damytý maqsatynda «Ekolom» baǵdarlamasy jasalyp, qala turǵyndary paıdalana bastaǵan.
Bul joba arqyly kereksiz turmystyq buıymdardy ońaı, ári tez óńdeýge Almaty qalasy Jetisý aýdanynyń ákimi Maqsat Qıqymovtyń aıtýynsha,áleýmettik jelilerde arnaıy konteınerlerdiń syrtynda qoqys shashylyp jatqany týraly kóptegen shaǵymdar túsedi.«Negizi konteınerdegi qoqysty kelisim-shart boıynsha «Tártip» kompanııasy tazalaıdy. Al, syrtynda jatqan plastık, metall, plıtka sekildi basqa da qaldyqtardy bul kompanııa tazalaýǵa tıisti emes. Sondyqtan eshkim qoqys tazalamaıtyn sekildi kórinedi. Negizi, turǵyndar qoqysty alyp ketýi úshin ózderi aqsha tóleýi kerek. Endi osy «Ekolom» startap-jobasynyń arqasynda aqsha tólemeı, kerisinshe tabys taba alady», – dedi Almaty qalasy Jetisý aýdanynyń ákimi M. Qıqymov
Aıta keteıik, kez kelgen adam «Ekolom» baǵdarlamasyn smartfonyna júkteı alady. Sóıtip qaldyqty sýretke túsiredi de, baǵasyn jazyp, tapsyrys qabyldaýshy mekemege habarlasady. Atalmysh baǵdarlamanyń kómegimen bıznes te jasaýǵa bolady. Dese de, elde qaldyqtan jańa ónimder alý áli kúnge deıin tabys kózine aınalmaı otyr
«Bul ekolomnyń negizgi maqsaty - bala-shaǵaǵa úıden shyǵatyn qaldyqtardy aldymen suryptaýdy úıretý. Kishkentaı kezinen kórip ósken bala keıin ózi solaı etetin bolady», – dedi «Ekolom» baǵdarlamasynyń avtory Talǵat Asyranqul.
Qaldyqty suryptap ótkizý qazir Eýropa elderiniń bárinde derlik myqtap qolǵa alynǵan. Al, ókinishke oraı Qazaqstanda qoqys tastaý mádenıteti endi ǵana qalyptasyp keledi deıdi mamandar.
Elimizde óndiristik jáne turmystyq qoqystardy óńdeýmen aınalysatyn 130-ǵa jýyq mekeme jyldyq qoqystyń tek 9 paıyzyn ǵana óndirýge qaýqary jetedi eken. Qaldyqtardy óńdeıtin zaýyttar salý qolǵa alynǵanymen, bul salada sheshimin tappaı kele jatqan túıtkilder shash-etekten. Eger, qoqys zaýyttarynyń jumysyn memleket qatań qadaǵalasa, tabıǵattyń tynysy ashylyp, talaı adam jumysqa turyp, balamaly ári arzan energııa kózderiniń mol qoryn jasaýǵa múmkindik týar edi.
Osy tusta, «Ekolom» baǵdarlamasy ıgi istiń bastaýy bolmaq.
