Aǵymdaǵy jylǵy 11 qazanda Qazaqstan Respýblıkasynyń Densaýlyq saqtaý mınıstrliginde Jaýapty hatshy Botagóz Jakselekovanyń tóraǵalyǵymen memlekettik aýdıt jáne táýekelder jónindegi Keńestiń otyrysy ótti.
Jıynda «Marat Ospanov atyndaǵy Batys Qazaqstan medısına ýnıversıteti» KEAQ júrgizilgen jospardan tys memlekettik aýdıtorlyq tekserýdiń qorytyndysy qaraldy.
Ishki aýdıt departamenti aýdıtorlyq is-shara boıynsha anyqtalǵan birqatar zań buzýshylyqty atady:
Ýnıversıtettegi materıaldyq -taýarlar negizsiz esepten shyǵarylǵan, azamattyq-quqyqtyq mámile sharttaryna sáıkes kelmeıtin taýarlar, jumystar men qyzmetter anyqtaldy, «Jastar-Arena» stadıonyna júrgizilgen qurylystyń sapasy tómen jáne eńbek zańnamasy buzylǵan.
Keńeste BQO medýnıversıtetinen tekserý barysynda tabylǵan barlyq materıaldy quqyq qorǵaý organdaryna jiberý týraly sheshim qabyldady.
Aıta ketý kerek, 2018 jyly 15 tamyzda Densaýlyq saqtaý mınıstrligi men Memlekettik qyzmet isteri jáne sybaılas jemqorlyqqa qarsy is-qımyl agenttigi yntymaqtastyq týraly Memorandýmǵa qol qoıǵan, onda sybaılas jemqorlyq quqyq buzýshylyq boıynsha kúdik bolǵan kezde, jedel den qoıý jáne materıaldardy sybaılas jemqorlyqqa qarsy is-qımyl organdaryna jiberý qarastyrylǵan.
