«Al 2025 jylǵy 1 qańtardan bastap, úsh iri megapolıste ǵana emes, sonymen qatar halqynyń sany 100 myń adamnan asatyn oblystyq mańyzdaǵy barlyq qalada stasıonarlyq emes ámbebap saýda bazarlarynyń jumys isteýine jol berilmeıdi», – dep habarlady vedomstvo.
Bul talap, mınıstrliktiń túsindirdirýinshe, «Saýda qyzmetin retteý týraly» zańynyń talabyna sáıkes jasalýda. Endi aldaǵy ýaqytta talap kúsheıtiledi. Bazaryn jappaǵan nemese qaıtadan ashyp alǵan kásipkerlerge eskertý túrindegi ákimshilik jaza qoldanylǵannan keıin, bir jyl ishinde qaıta tekseriledi. Eger jabylyp qalmaǵany belgili bolsa, onda úlken aıyppul salynady jáne bazar kúshtep taratylyp buzylady. Aıyppul kólemi saýda bazarynyń ákimshiligi nemese menshik ıesi kásipkerliktiń qandaı nysanynda jumys jasap kelgenine baılanysty bolmaq. Eger shaǵyn kásipkerlik nysanyna jatsa, 65 AEK (2019 jylǵy shamasy 164,1 myń teńge) kóleminde aıyppul arqalaıdy. Orta kásipkerlik nysanynyń jazasy budan eki esedeı aýyrlaý – 120 AEK (303 myń teńge).
Bul bastamany «Atameken» UKP ilgeriletýde. Kásipkerlerdiń ulttyq palatasynyń málimetinshe, qazirgi kezde Qazaqstanda 699 bazar jumys jasaýda.
Qalaı bolǵanda, Úkimet órkenıetti saýdany jappaı jolǵa qoıýdy tańdaǵanǵa uqsaıdy.
