Sońǵy eki oıynda qarsylastarynan overtaımda jeńilgen jerlesterimiz bul joly qosymsha ýaqytta jeńiske jetti. «Barys Arenaǵa» jınalǵan 8 myń jankúıer 5 goldyń kýási boldy. Matchtaǵy esepti birinshi qonaq komandanyń oıynshylary ashty. Alǵashqy mınýtta Aleksandr Semın mergendigimen kózge túskenimen, «Barys» sapynan Anton Sagadeev jyldam golmen qarymta qaıtardy. Úzilisten keıin Dastın Boıd «Barysty» esepte alǵa shyǵarsa, úshinshi kezeńde Aleksandr Semın oıyndaǵy ekinshi shaıbasyn soǵyp, tablodaǵy kórsetkishti teńestirip ketti. Sóıtip oıyn taǵdyry overtaımda sheshildi. Qosymsha ýaqyttyń 3-mınýtynda Dastın Boıd dýbl avtory atanyp, komandasyna mańyzdy jeńis syılady.
Búginge deıin 18 kezdesý ótkizgen «Barys» turaqty birinshiliktiń jarys kestesinde úshinshi orynda keledi. Jerlesterimizdiń qorjynynda 26 upaı bar. Endi «Barys» komandasy aldaǵy úsh oıynyn syrtta ótkizedi. Búgin Mınskiniń «Dınamo» komandasymen kezdesse, 24 qazanda «Lokomotıv» (Iаroslavl), 26 qazanda «Aq Bars» (Qazan) klýbymen oınaıdy.
