Joshy hanǵa eskertkish ornatylady

Altyn Ordanyń 750 jyl­dy­ǵyn atap ótýge jáne oǵan da­ıyn­dalýǵa qatysty sizdiń de­pýtat­tyq saýalyńyzdy qaras­tyryp, kelesini habarlaımyn.

Qazirgi ýaqytta Mádenıet jáne sport mınıstrligi Altyn Ordanyń 750 jyldyǵyn atap ótý jónindegi is-sharalar jos­parynyń jobasyn ázirledi. Onda arheologııalyq, resta­vrasııalyq, ǵylymı-zertteý jumystaryn, «Altyn Orda» ekspedısııasyn ótkizýdi qaras­tyratyn birqatar is-shara­lar josparlanǵan.

Sizdiń usynystaryńyz atal­ǵan jospar jobasynda óz kóri­nisin taýyp, búginnen bastap olar boıynsha jumys bastaldy.

Birinshi. Jaqyn arada óte­tin Nur-Sultan qalalyq onomastı­kalyq komıssııasynyń otyrysynda elorda kósheleriniń birine Joshy hannyń atyn berý jáne eskertkish ornatý máseleleri qarastyrylady.

Ekinshi. Qaraǵandy obly­sy­nyń ákimdigi 2020 jyly Qara­ǵandy qalasynda Joshy han­ǵa eskertkish ornatýdy usy­nyp otyr. Sonymen qatar Ulytaý aýda­nynda Joshy hanǵa es­kertkish ornatý máselesin qaras­tyratyn bolady.

Budan basqa, Qazaqstan Res­pýb­­lıkasy Úkimetiniń 2019 jyl­­ǵy 31 mamyrdaǵy №360 qaý­­lysymen bekitilgen Qazaq­stan Res­pýblıkasynyń týrıs­tik sa­l­asyn damytýdyń 2019-2025 jyl­darǵa arnalǵan mem­le­kettik baǵdarlamasynda Qazaq­stannyń óńirlik deńgeıdegi týrıstik kartasynyń (TOP-50) obektileriniń tizimi kózdel­gen. Atalǵan tizimde «Ulytaý» tarıhı-mádenı kesheni belgilengen, onda jylyna shamamen 10 000 adamdy qabyldaı alatyn kórneki oryndar, týrıstik baǵyttar men mýzeı boıynsha ekskýrsııalar týraly aqparatty qamtıtyn týrıstik qyzmetter usynylatyn bolady. Keshenge Altyn Orda kezeńine jatatyn Joshy han, Alasha han jáne Dombaýyl keseneleri kiredi.

Úshinshi. Mádenıet jáne sport mınıstrligi ǵylymı-res­tav­­rasııalaý jumystaryn júr­gizý jáne Joshy han men Alasha han kesenesiniń aýma­ǵyn abattandyrý máselesin pysyqtaýda.

Mádenıet jáne sport mı­nıstrligi Halyqaralyq Túrki akademııasymen birlesip 2020-2022 jyldary qosymsha birqatar arheologııalyq, etnografııalyq, antropologııalyq, ǵylymı-zertteý jáne basqa da jumystar júrgizýdi josparlap otyr.

Tórtinshi. Ulytaý óńiriniń týrıstik áleýetin damytý úshin aldaǵy jyly «Altyn Orda» ekspedısııasyn ótkizý, Ulytaý óńirinde respýblıkalyq mańyzy bar Alasha han, Joshy han, tarıhı jáne mádenı eskertkishteriniń aýmaǵynda vızıt-ortalyǵy men etnoaýyl qurý josparlaný­da. Týrıstik marshrýttar men soqpaqtar ázirlenip, kempıngtik turaq­tar, týrısterge baratyn jerlerde sanıtarlyq-gıgıena­lyq toraptar ornatylady.

Qaraǵandy oblysynyń ákim­digi Qyzylorda, Jezqazǵan, Qaraǵandy, Nur-Sultan, Arqa­lyq qalalary men Ulytaý aýdany ortalyǵy arasyndaǵy joldarǵa jóndeý jumystaryn júrgizedi. Almaty – Jezqazǵan, Shymkent – Jezqazǵan baǵyttary boıynsha áýereısterdi iske qosý máselesi pysyqtalýda.

Qazirgi ýaqytta Mádenıet jáne sport mınıstrligi Ulytaý óńiriniń tarıhy men mádenıeti kesenelerin IýNESKO-nyń dú­nıe­júzilik murasynyń tizimine engizý máselesin pysyqtaýda.

Baıandalǵannyń negizinde Altyn Ordanyń 750 jyldyǵyn atap ótý máselesi Úkimettiń erek­­she baqylaýynda, delingen Pre­mer-Mınıstrdiń jaýap hatynda.

Daıyndaǵan

Joldybaı BAZAR,

«Egemen Qazaqstan»