Besinshi otyrystyń taqyryby: «Úlken Eýrazııa: jahandyq yntymaqtastyqtyń jańa qurylymy jolynda».
Klýbtyń saraptamalyq talqylaýyna AQSh, Qytaı jáne Reseı arasyndaǵy qyrǵı-qabaqtyń ýshyǵýy, saýda proteksıonızmi men popýlıstik kóńil-kúıdiń artýy, sondaı-aq Iran men Soltústik Koreıa tóńireginde jańa shıelenisterdiń boı kórsetýi syndy máseleler arqaý bolmaq.
Ásirese, Eýrazııada yntymaqtastyqtyń bolashaq qurylymyn qalyptastyrýǵa úlken kóńil bólinip, jahandyq qaýipsizdiktiń syn-tegeýrinderine qarsy turý joldaryn izdeý, sondaı-aq ıadrolyq qarýdy baqylaýsyz taratý máselelerine nazar aýdarylady.
Shara aıasynda Álemdik ekonomıka jáne saıasat ınstıtýty Astana klýbynyń qoldaýymen jahannyń jetekshi sarapshylarynyń strategııalyq boljamyn jınaqtaǵan «Eýrazııa 2020 úshin 10 basty syn-qater» reıtıngisiniń kezekti shyǵarylymy tanystyrylady.
Astana klýbynyń besinshi otyrysyndaǵy sessııa taqyryptary:
- «Álemdik tártip(sizdik): bolashaq tarıhty kim jazady?»
- «Kóppolıarly eýrazııa: úzdiksiz qaqtyǵystar keńistigi?»
- «Saýda soǵysy jáne proteksıonızm – jahandyq ekonomıkanyń jaı-kúıi ne bolmaq?»
- «Dúnıejúzilik tehnologııalyq jarys: jahandyq qaqtyǵystyń jańa alańy»
- «Iаdrolyq qarýsyzdanýdyń jańa tujyrymdamasy: ne isteý kerek?»
- «Ortalyq azııa jahandyq múddeler toǵysynda: hartlendtiń artyqshylyqtary men kemshilikteri»
Kezekti basqosýǵa shartaraptyń 23 memleketinen geosaıasat, ekonomıka men halyqaralyq qatynastar salasynyń mańdaıaldy sarapshylary retinde moıyndalǵan 50-den astam halyqaralyq spıkerler qatysady dep kútilýde. Qurmetti meımandardyń qatarynda - 3 burynǵy memleket basshysy, 5 eks-premer-mınıstr, 10 mınıstr jáne 1 Nobel syılyǵynyń laýreaty bar. Forýmǵa qatysatyn sarapshylardyń geografııasy keń. Atap aıtsaq, AQSh, Ispanııa, Italııa, Reseı, Japonııa, Serbııa, Avstrııa, Norvegııa, Qytaı, Úndistan, Belgııa, Aýǵanstan, Shvesııa, Portýgalııa, Ońtústik Koreıa, Egıpet, Bangladesh, Slovenııa, Qyrǵyzstan, Iran, Ulybrıtanııa, Pákistan elderi bar.
Qazaqstannyń Tuńǵysh Prezıdentiniń tóraǵalyǵymen ótetin Klýbtyń plenarlyq otyrysy – is-sharanyń negizgi ózegi «Úlken Eýrazııany qurý: seriktestiktiń jańa úlgisi» taqyrybyn qaýzaýǵa arnalady.
Aǵymdaǵy jylǵy «Astana klýbynyń» negizgi spıkerleriniń quramy:
- Muhammed ál-BARADEI, Nobel syılyǵynyń laýreaty (2005), MAGATE-niń Bas dırektory (2013-2014), Egıpet
- Djeıkob FRENKEL, JP Morgan Chase International Dırektorlar keńesiniń tóraǵasy, 30 (G 30) halyqaralyq tobynyń tóraǵasy, Izraıl Ulttyq bankiniń tóraǵasy (1991—2000), AQSh
- Joze Manýel BARROZÝ, Eýropalyq Komıssııa tóraǵasy (2004-2014 jj.), Goldman Sachs International atqarýshy emes tóraǵasy, Portýgalııa.
- Hamıd KARZAI, Aýǵanstan prezıdenti (2001-2014), Aýǵanstan.
- Hose Lýıs SAPATERO, Ispanııa premer-mınıstri (2004-2011), Ispanııa
- Iv LETERM, Belgııa premer-mınıstri (2008, 2009-2011), IDEA halyqaralyq ınstıtýtynyń bas hatshysy, Belgııa.
- Shaýkat AZIZ, Pákistan premer-mınıstri (2004-2007), Pákistan.
- Danılo TIýRK, Slovenııa prezıdenti (2007-2012), Slovenııa.
- IýN Bıonse, Koreıa Respýblıkasynyń Syrtqy ister mınıstri (2013-2017), Ońtústik Koreıa.
- Franko FRATTINI, Italııanyń Syrtqy ister mınıstri (2002-2004, 2008-2011), Italııa.
- Mıhaıl FRADKOV, Reseı strategııalyq zertteý ınstıtýtynyń dırektory, RF Úkimetiniń tóraǵasy (2004-2007), RF Syrtqy barlaý qyzmetiniń dırektory (2007-2016).
Shara uıymdastyrýshysy - Qazaqstan Respýblıkasy Tuńǵysh Prezıdenti - Elbasynyń Qory jáne Álemdik ekonomıka jáne saıasat ınstıtýty.
«Astana klýbynyń» mıssııasy - Qazaqstannyń syrtqy saıasatynyń basymdyqtary turǵysynan jahandyq kúntártibin qalyptastyrý úshin Eýrazııanyń jetekshi sarapshylary, saıası kóshbasshylary men dıplomattaryn bir alańǵa biriktirý.
«Astana klýbynyń» jumysyna dástúr boıynsha Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaev qatysady.
«Astana klýby» otyrystarynyń bir bóligi «Chatham house» erejelerine sáıkes ótkiziledi. Bul talqylaýdyń jabyq sıpatta ótýin saqtaıdy jáne qazirgi ýaqyttaǵy Eýrazııa men álemniń eń ózekti máseleleriniń ótkir ári ashyq talqylanýyna múmkindik beredi.
Osy jyldar ishinde klýb otyrystaryna 40 elden 200-den astam spıker qatysty.
