Is-sharada 500-ge jýyq joǵary synyp oqýshylary men kolledj stýdentteri, sonymen qosa H.Dosmuhanbetov atyndaǵy Atyraý memlekettik ýnıversıtetiniń áskerı kafedra tyńdaýshylary qatysty. Qurmetti qonaq retinde Qarýly Kúshterdiń ardegerleri shaqyryldy.
Áskerı-patrıottyq tárbıe berý – jastarǵa óz eli men Otanyn súıýge úıretetin, olardy adaldyqqa tárbıeleýdegi basym baǵyttardyń biri bolyp tabylady.
Garnızonda uıymdastyrylǵan shara aıasynda balalar áskerı ómirdi kórip, áskerı kıim úlgilerimen, áskerı tehnıka jáne qarý-jaraq túrlerimen tanysty. Áskerı bólimniń ofıser-tárbıeshileri áskerı ómir men tártip týraly, sondaı-aq áskerı qyzmettiń, jaýyngerlik jáne oqý-jaýyngerlik tapsyrmalardyń ótý tártibi týraly aıtyp túsindirdi.
Oqýshylar qolma-qol urys kórinisterin tamashalap, qyzyǵýshylyq tanytqandar áskerılengen estafetaǵa qatysýǵa múmkindik aldy. Estafeta jeńimpazdary «Batys» óńirlik qolbasshylyǵy atynan alǵys hattarmen marapattaldy.
Mańǵystaý oblysy
