Polısııanyń málimetinshe, bıyl kásiporyn aýmaǵynda iri shyǵyn keltirgen tórt urlyq deregi ashylǵan. Sonyń biri – 7 mamyr kúni áshkerelengen janarmaı urlaý shemasy.
Jedel is-sharalar barysynda janar-jaǵarmaıdy urlap, keıin ony satýmen aınalysqan kúdiktiler ustaldy. Tekserý kezinde bir tonnadan astam janarmaı, qomaqty qarjy, kólikter, qarý-jaraq pen oq-dáriler jáne basqa da aıǵaqty zattar tárkilendi.
Tergeý málimetine sáıkes, kúdiktiler arnaıy tehnıkalardy jalǵan túrde janarmaı quıǵandaı kórsetip, qujattardy qoldan jasaǵan. Sonymen qatar keıbir kúzet qyzmetkerleriniń de zańsyz áreketke kómekteskeni anyqtalǵan.
Jambyl oblysynda 39 jylqyny urlaǵan eki qylmystyq top ustaldy
IIM Uıymdasqan qylmysqa qarsy kúres departamentiniń ókili Qýandyq Alpys qazirgi ýaqytta qarjylyq qujattarǵa taldaý júrgizilip jatqanyn aıtty. Aldyn ala esep boıynsha keltirilgen shyǵyn kólemi asa iri mólsherde bolýy múmkin.
Mınıstrlik ókilderiniń aıtýynsha, ótken jyldan beri «Qazaqmys» nysandaryndaǵy urlyqtarǵa qatysy bar birneshe qylmystyq toptyń joly kesilgen. Qabyldanǵan sharalardyń nátıjesinde keltirilgen shyǵynnyń 94,5 paıyzy ótelgen.
Aqmola oblysynda jasóspirimder sport nysandaryn búldirip, jabdyqtardy urlaǵan
