Qoǵam • 04 Qarasha, 2019

Jemqorlyqty týdyratyn sebepter kóp

65 ret kórsetildi

Nur Otan partııasynyń Ortalyq apparatynda Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysy bolyp, onda «Taza sessııa» jalpyhalyqtyq aksııasynyń aralyq nátıjeleri talqylandy. Jas Otan jastar qanatynyń tóraǵasy Dáýlet Káribek aksııanyń qorytyndylary týraly habarlady.

Jas Otan belsendileri Qazaqstannyń barlyq aımaqtaryndaǵy 15 myńǵa jýyq stýdent arasynda anonımdi saýaldama júrgizgen. Stýdentterdiń 12,8% joǵary oqý oryndarynda sybaılas jemqorlyq bar dep kórsetken. Demek, saýaldamaǵa qatysqan árbir 8 stýdent bilim ordalarynda sybaılas jemqorlyqtyń bar ekendigin rastaıdy jáne árbir 12 stýdenttiń para bergeni aıqyndaldy. Sondaı-aq ýnıversıtetterde emtıhan tapsyryp, dıssertasııa qorǵaǵannan keıin dastarhan jaıý jáne syılyqtar berý jáne taǵy basqalar «dástúrge» aınalǵan.

Saýalnama negizinde stýdentter jem­qor­lyq faktileri oryn alady dep kórset­ken bes JOO-nyń reıtıngi jasaldy: H.Dos­mu­hamedov atyndaǵy Atyraý memlekettik ýnıversıteti, Atyraý munaı-gaz ýnıversıteti, Qaraǵandy memlekettik medısınalyq ýnıver­sıteti, M. Ospanov atyndaǵy Batys Qazaqstan mem­lekettik medısınalyq ýnıversıteti, Q.Ju­banov atyndaǵy Aqtóbe óńirlik memle­ket­tik ýnıversıteti.

«Saýaldamanyń nátıjesinde stýdentter oqý oryndaryndaǵy jemqorlyqty týdyratyn sebepter retinde mynalardy atady: professorlyq-oqytýshylyq quramnyń jalaqysynyń tómendigi, stýdentterde óz betinshe bilim alýǵa degen qyzyǵýshylyqtyń bol­maýy, muǵalimderdiń de, stýdentterdiń de júk­temesiniń kóptigi, jataqhanalarda oryn­dar­dyń bolmaýy», dedi Dáýlet Káribek.

Respýblıkalyq qoǵamdyq keńes músheleri joǵary bilim berý salasyndaǵy sybaılas jemqorlyqqa qarsy sharalardy tıimdi júzege asyrý stýdentter men oqytýshylardyń belsendi qatysýynsyz júzege aspaıtynyn atap ótti. Jemqorlyqqa qarsy is-qımyldyń tabysty júrgizilýine memleket qana emes, árbir azamat, qoǵam, sonymen qatar jastar da jaýapty. Shynynda da, kóptegen salada, so­nyń ishinde bilim berý men eńbek naryǵynyń baǵyttaryn belgileıtin osy jas býyn.

О́z kezeginde Qoǵamdyq keńes tóraǵasy Omarhan О́ksikbaev Bilim jáne ǵylym mınıstrligine, joǵary oqý oryndarynyń rektorlaryna ýnıversıtetterdegi sybaılas jemqorlyqtyń aldyn alý úshin keshendi sharalar qabyldap, jan-jaqty áleýmettik zertteýler jasap, sol zertteýler negizinde sybaılas jemqorlyq deńgeıi boıynsha joǵary oqý oryndarynyń qoǵamdyq reıtıngin engizý qajet ekenin aıtty.

«Partııa saıası keńesiniń keńeıtilgen otyrysynda Elbasy Nursultan Nazarbaev sybaılas jemqorlyqty túbirimen joıýdyń mańyzdylyǵyna erekshe nazar aýdardy. Joǵary bilim berý júıesiniń jemqorlyq­qa neǵurlym beıim ekeni bárińizge belgili. Sondyqtan jastardyń boıyna adaldyq, sybaılas jemqorlyqqa tózbeý qaǵıdattaryn sińire otyryp, halyq arasynda aldyn alý jumystaryn júrgizýge basa nazar aýdarý qajet», dep atap ótti Omarhan О́ksikbaev.

 

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar