Degenmen «aq altynnyń» baǵasy maqta sharýashylyǵyndaǵy negizgi másele bolyp tur. Búgingi tańda Maqtaaral aýdanyndaǵy zaýyttar maqtanyń tonnasyna 100 myń teńgeden avans berýde. Alaıda áli kúnge deıin naqty baǵa bekitpegen. Túrkistan oblysyna kelgen Aýyl sharýashylyǵy mınıstri Saparhan Omarov pen oblys ákimi О́mirzaq Shókeev dál osy máseleni sheshý maqsatynda Atakent kentindegi «Qazaq maqta sharýashylyǵy ǵylymı-zertteý ınstıtýty» JShS-inde aýdannyń maqta óńdeý zaýyttarynyń basshylary men aýyl sharýashylyǵy taýaryn óndirýshilermen jıyn ótkizdi. Jıyn barysynda oblys ekonomıkasynyń eń mańyzdy salasynyń biri – maqta sharýashylyǵynyń ózekti máseleleri talqylanyp, oblys ákimdigi tarapynan mınıstrlikke tıisti usynystar engizildi. Bul rette, Saparhan Omarov usynystardy qoldaıtyndyǵyn, aldaǵy ýaqytta Úkimet deńgeıinde kóterip, oń sheshimi tabylatyndyǵyn aıtty. Al, О́mirzaq Shókeev shıtti maqta baǵasy aldaǵy kúnde turaqtaıtyndyǵyn, sharýalardyń suranystary boıynsha tıimdi baǵa bekitiletinin jetkizdi. О́z kezeginde zaýyt basshylary maqta baǵasyn bekitý úshin 3 kún merzim surady.
Sondaı-aq mınıstr Maqtaaral aýyldyq okrýgi, «Aq altyn» eldi mekenindegi «AShM servıs-ortalyǵy» óndiristik kooperatıviniń maqta terimi naýqanymen tanysty. Onda bıylǵy jyly 70 gektarǵa maqtanyń «M-4011» sortynan 25,0 s/ga túsimdilikpen ónim alynýda. Búgingi tańda 43 adamdy jumyspen qamtyp otyrǵan óndiristik kooperatıvi 58 aýyl sharýashylyǵy tehnıkasymen jabdyqtalǵan.
