Aıta ketelik, medısına kolledjinde búgingi tańda kópbalaly otbasydan shyqqan 1150, tul jetim 8 stýdent oqıdy. Memlekenttik grant negizinde bilim alatyn jastar 20-22 myń teńge kóleminde shákirtaqy alady.
Túrkistandaǵydaı ataýly shákirtaqy Jetisaı joǵary medısına kolledjindegi stýdentterge de taǵaıyndalyp otyr. Izdenimpaz jastarǵa qoldaý kórsetip otyrǵan Túrkistan oblystyq Qoǵamdyq densaýlyq saqtaý basqarmasy men Densaulyq Densaýlyq saqtaý uıymy jumyskerlerliniń jergilikti kásipodaǵy bul ıgi isti jyl saıyn jalǵastyrmaq. Máselen, ótken oqý jylynda kópbalaly otbasynan shyqqan tórt stýdentke osyndaı shákirtaqy bólinip kelgen bolatyn.
Arnaýly stıpendııa alýǵa ilikken Túrkistan joǵary medısına kolledjiniń stýdenti Erkeǵalı Jaqsylyq «emdeý isi» bóliminiń, al Jandos Baqyt «medbıke isi» bóliminde 3 kýrsynda bilim alýda. Eki stýdent te oqý ornynda úzdik oqyp qana qoımaı, qoǵamdyq jumystarǵa belsene atsalysyp keledi. Sondaı-aq túrli olımpıadalarǵa, bilim básekelerinde úlken jetistikterge qol jetkizgen. Qoǵamdyq densaýlyq saqtaý basqarmasy men kásipodaq uıymynyń basshylyǵy taǵaıyndalǵan shákirtaqy jastardyń bilimge degen qushtarlyǵyn arttyryp, oqý jyly barysynda túrli qajettilikterin alýǵa septigin tıgizedi degen senimde.
