Balalar men olardyń ata-analaryn zertteý-izdestirý jumystaryna qyzyqtyryp, jumyldyrý arqyly qoıylǵan maqsatqa qol jetkizýge bolady. Kóshelerge attary berilgen batyrlar týraly aqparat óz retimen tez-aq taratylady.
25 qazanda Tólegen Aıbergenov atyndaǵy №16 orta mektepte «Bizdiń qalamyzdyń kósheleri» jobasy iske qosyldy, onda № 14, 16, 27 mektep oqýshylary ushyrylym alańyn ashyp, osy baǵdarlamany júzege asyrý úshin jumystyń bastalǵany týraly prezentasııalaryn, beınerolıkterin kórsetti. Oqýshylar men qonaqtardyń nazarlaryna «Abaı Qunanbaev», «Egemen Qazaqstan», «Sáken Seıfýllın», «Shoqan Ýálıhanov», «Kensary Qasymov», «Baqtyoraz Beısekbaev», «Amangeldi Imanov», «Jánibek Tarhan», «Ahmet Jubanov» kóshelerdi usyndy. Oqýshylar murajaılardy aralap, muraǵattarmen tanysty, derekti fılmder kórdi, kitaphanalardy aralap, Internet jelilerinde «serýendedi», keıipkerler týraly kóbirek aqparat izdeý úshin, áıgili mýzykanttardyń mýzyka qorlaryn zerttedi jáne tyńdaýshylarǵa eń jaqsy týyndylardy usyndy.
Qala kóshelerindegi adamdarmen ótkizgen dıalog pen monıtorıng barysynda, kóshege esimderi berilgen adamdar týraly suraqqa jaýap berý olarǵa óte qıynǵa soǵatyny baıqaldy. Turǵyndarǵa tanystyrý maqsatynda, 20 jyl buryn esimi kóshege berilgen, Uly Otan soǵysynyń jas batyry Baqtyoraz Beısekbaev týraly túrli-tústi banner ilindi.
Zertteý kórsetkendeı, kópshilikke batyrlardyń «jandy» beınesin jetkizý kerek, ıaǵnı ınnovasııalyq tehnologııalardy qoldanǵan «sóıleıtin» bannerler, «О́z kósheńdi tany» atty aqparattyq naýqandardy jáne «Mystreet» onlaın-shaqyrýy túrindegi jańa ádisterdi tabý qajet.
Nur-Sultan qalasyndaǵy «Rýhanı jańǵyrý» jobalyq keńsesiniń basshysy Nurpeıisov Úkibaı Abdýmanapuly óz jaýabynda mektepterdiń birigip, umytylǵan esimderdi tabýda jumysty jalǵastyrýǵa shaqyrdy. Ári qaraı ol, ár bala men onyń ata-anasy, mektep kóshelerdi ataý jobasyna qatysyp, qala tarıhynda óz izderin qaldyrýǵa bolatyndyǵyn túsindirdi.
Oqýshylar umytylǵan esimderdi izdeýdegi ǵylymı-zertteý jumystaryn jalǵastyryp, qalanyń jańa kóshelerine esimderin berýge bolatyn azamattardy anyqtaýǵa qulshyna kirisýge daıar.
