Kesene ishinde arnaıy oryndyqtar qoıylyp, tulǵalar jaıly málimetter men tól jádigerleri ornalastyrylǵan.
Qoja Ahmet Iаsaýı kesenesinen 50-60 metrdeı jerde oryn tepken kók kúmbezdi Rábııa Sultan Begim - erekshe qasterlenetin muranyń biri. Ortaǵasyrlyq sáýlet óneri eskertkishi Ámir Temirdiń nemeresi, Ulyqbektiń qyzy, Ábilqaıyr hannyń áıeli, belgili handar Kókenshi men Súıinishtiń anasy Rabıǵa Sultan Begimge arnaıy saldyrylǵan.
Bul keseneniń qulpytasy Qoja Ahmet Iаsaýıdiń kesenesinen tabylǵan. Qulpytasta Begimniń Ámir Temirdiń uly Ulyqbektiń qyzy ekendegi,1485 jyly qaza bolǵandyǵy jazylady. Alǵashynda 8 buryshty bir kameraly, sılındr tárizdes barabanǵa bekitilgen bıik kúmbezi bar qurylys retinde salynyp, keıinnen kóp kameraly sharshy josparly qurylystarmen tolyqtyrylǵan.
Kesene ishinde Rábııa Sultan Begim, nemeresi Keldi Muhammed Sultan Súıinishqojauly, shóbereleri Mástýra hanym KeldiMuhammedqyzy, Múbárák Shah Keldimuhammeduly, Qul Muhhamed Sultan KeldiMuhammeduly jerlengen.
