Ol óz sózinde parasattylyq qaǵıdalaryn nasıhattaý jáne aldyn alý sharalary taqyrybyna jan-jaqty toqtalyp, sybaılas jemqorlyqqa qarsy saıasattyń basym baǵyttaryn ashyp kórsetti.
Agenttik qyzmetiniń nátıjeleri, jańa bastamalar men keleshekke josparlar aıtyldy. Sybaılas jemqorlyqqa qarsy qyzmetti mysalǵa ala otyryp ashyq, kásibı jáne tıimdi quqyq qorǵaý organyn qurýdyń naqty qadamdary usynyldy.
Osy oraıda Alık Shpekbaev kadr saıasatynyń mańyzyna aıryqsha toqtaldy. Durys jasaqtalǵan júıeniń basty quramdas bóligi retinde merıtokratııa men alǵa qoıǵan mindetterdi júzege asyrýǵa qajetti jaǵdaı jasaý atap kórsetildi.
Sybaılas jemqorlyqqa qarsy mekemeniń basshysy quqyq qorǵaý organyn tıimdi basqarýdyń «paıdaly keńesterimen» bólisti. Atap aıtqanda, yntalandyrýdy arttyrý, korporatıvtik mádenıetti ózgertý jáne qatardyń tazalyǵyn qamtamasyz etý máselelerine toqtaldy. Tyńdaýshylardyń erekshe nazaryn «óziniń jeke basymen úlgi bolýdaǵy» róline aýdardy.
Azamattyq qoǵammen syndardy dıalogtyń, halyqtyń muqtajyna kóńil bólýdiń mańyzdylyǵyn atap ótti. Ár azamattyń máselesin sheshý kez-kelgen memlekettik organ jumysynyń basymdylyǵyna aınalý qajet. Agenttik Tóraǵasy azamattardy apta saıyn, onyń orynbasarlary men terrıtorııalyq departamentteriniń basshylary kún saıyn qabyldaıdy.
Tek jyl basynan beri Sybaılas jemqorlyqqa qarsy qyzmet pen «Adaldyq alańy» jobalyq keńseleriniń qoldaýymen 2 myńnan asa azamattyń quqyqtary qalpyna keltirildi.
Quqyq qorǵaý jáne sot organdaryndaǵy jemqorlyq qoǵamnyń senimine selkeý túsiredi. Sybaılas jemqorlyq deńgeıin tómendetýde aıtarlyqtaı nátıjelerge qol jetkizgen barlyq elder quqyq qorǵaý organdarynan bastaǵan. Bul qurylymdardaǵy jaǵdaıdy jedel ózgertý basqa salalarda da sybaılas jemqorlyqty azaıtýǵa yqpal etetin mýltıplıkatıvtik nátıjeni qamtamasyz etedi.
