Elordadan erekshe ásermen oraldyq

«Nur-Sultan – nurly bolashaq mekeni» dep atal­ǵan saıasatqa qatysqan arda­ger­ler­diń eń jasy 65-te bolsa, eń úlkeni – 91 jasta.

Mundaǵy maqsat – Elba­sy­myz­dyń «Bolashaqqa baǵdar: rýhanı jańǵyrý» atty maqa­la­sy aıasynda elimizdiń, jeri­miz­diń tarıhymen tereń tanysý, keleshek urpaqty otan­shyl­dyqqa tárbıeleýge atsalysý, jastarǵa aǵa urpaqtyń jaýyngerlik jáne eńbek dańqy dástúrlerin nasıhattaý, olardy qazaqstandyq patrıotızm rýhynda baýlýǵa qatysý bolatyn. О́ıtkeni osy áserli saıahattan soń bizder qalalyq jáne aýyldyq okrýgterde jastarmen, jalpy jurtshylyqpen kezdesip, jınalǵan qaýymǵa elordanyń arǵy-bergi tarıhyn tereńirek áńgimelep bergen edik.

Astanamyzǵa saıahat barysynda keremet áserge bólendik. Mundaǵy bıik te záýlim, kórikti de kórkem, birinen-biri ótetin sáýletti ǵımarattar kimniń de bolsyn tańdanysyn týdyrmaı qoımaıtyny aqıqat. Saıyn dalaly Saryarqa tósi qazirgi tańda jap-jasyl ormandy alqapqa aınalypty. Munan bólek qalanyń tazalyǵy tań­daı qaqtyrdy.

Shardara aýdandyq ardagerler uıymy Respýblıkalyq ar­dagerler uıymynyń já­ne aýdandyq ardagerler uıymy­nyń bekitilgen jar­ǵy­syna, jyldyq josparyna sáıkes jumys atqarady. Aǵa býyn ardagerler bas quraǵan bul qoǵamdyq uıym jumys barysynda Elbasy N.Nazarbaevtyń, Prezıdentimiz Q.Toqaevtyń Qazaq­stan halqyna arnaǵan Joldaýlary men asa mańyzdy resmı deńgeıdegi qujattaryn basshylyqqa alyp otyrady.

Qazirgi tańda aýdanymyzda 6200 ardager bar. Olardyń ishinde 80-i tyl ardageri, soǵys ardagerleriniń jesirleriniń sany – 13. Sondaı-aq 101 jalǵyzilikti qart bar. Olarǵa 17 áleýmettik qyzmetker kómek kórsetedi.

Ardagerler uıymynyń ne­giz­­gi maqsaty men basty min­­detteri – ardagerlerdiń qu­­qy­­­qtaryn qorǵaý, múmkin­di­gin­­she el ómirindegi qoǵamdyq jumysqa belsene aralasýyna yqpal etý, olardyń laıyqty áleý­mettik turmystyq jaǵda­ıyn qamtamasyz etý.

Qoǵamnyń birligin, kelisimi men turaqtylyǵyn nyǵaıtý jónindegi jumystarǵa bel­sene qatysyp júretin arda­gerlerdiń jaı-kúıin, olarǵa qyzmet kór­se­týdiń mádenı-turmystyq, me­dısınalyq jáne basqa da túrlerin jaq­sartýǵa jár­dem­de­sip júrgen, sonymen birge esten ketpesteı áserli saıahat uıymdastyryp bergen aýdan basshylaryna alǵystan basqa aıtarymyz joq.

Toqsanbaı BERDIBEKOV,

Shardara aýdandyq ardagerler keńesiniń tóraǵasy

Túrkistan oblysy