Antqa berik ulandyqtar

 «Jas ulan» áskerı mektep­terine 11 jyldyq bilim berý baǵdarlamasy boıynsha 9 synypty nemese 12 jyldyq bi­lim baǵdarlamasy boıynsha 10 synypty aıaqtaǵan ul balalar qabyldanady. Ol úshin úmitkerler birneshe irikteý kezeńderinen ótýi tıis: matematıka men oqý tilinen testileý, psıhologııalyq irikteý, dene- shynyqtyrý normatıvteri men medısınalyq kýálándirý. Oqýǵa túsken sátten bastap tárbıelenýshilerdi memleket qam­qorlyǵyna alady.

Alǵashqy «Jas ulan» mektebi 1999 jyldyń naý­ryz aıynda quryldy. Tá­ýel­­siz Qazaqstannyń Qa­rý­ly Kúshteri úshin mektep qabyrǵasynan bolashaq ko­man­­dırlerdi daıarlaıtyn arnaıy oqý ornyn qurý elimizdiń Tuńǵysh Prezıdenti N.Nazarbaevtyń ıdeıasy edi. Mine, osy, ıaǵ­nı armııa generaly S.Nur­maǵambetov atyndaǵy «Jas ulan» respýblıkalyq áske­rı mektebi keshe óziniń 20 jyldyǵyn toılady. Osy­ǵan oraı astanalyq mektepte Qorǵanys mınıstrligi ókil­deriniń, Qarýly Kúshter ar­dagerleriniń jáne tárbıe­l­enýshilerdiń ata-ana­lary­nyń qatysýymen mere­kelik is-shara ótti. Mekteptiń bas­­tyǵy, ádilet polkovnıgi Tileý­han Basqojaev mańyzdy mereı­toımen qatysý­shylardy qut­tyqtady. Dástúr boıynsha ulandar mekteptiń týyn shy­ǵaryp, Halyq Qahar­many, Keńes Odaǵynyń Ba­ty­­ry, armııa generaly S.Nur­maǵam­betovtyń eskertki­shine gúl shoǵyn qoıdy.

Qorǵanys mınıstrligi Áske­rı bilim jáne ǵylym depar­tamentiniń bas­tyǵy general-maıor Ashat Rys­paev ta óz qut­­tyqtaýynda mekteptiń osy jyldar boıy atqarǵan kúr­deli de jaýapty mindeti men shyǵarmashylyq qyzmeti týraly aıta kelip: «Bul osy mek­teptiń tarıhy – bul maman atanǵan myń­daǵan ul balalar taǵdyrynyń tarıhy. Qur­metti áriptester, sizderdiń qolda­ryńyzdan ǵajap is – adam qa­lyp­tastyrý keledi. Tek siz­der ushqalaq balalardan bolashaq sarbaz-ofıserdi kó­resizder. Sizderdiń barlyq úmitterińiz aqtalyp, atqarǵan jumystaryńyz bekerge ket­­peı, ár ulan mekteptiń maq­­tanyshyna aınalýyna tilek­tespin», – dedi. Kórmede 20 jyl­da mektepte bolǵan is-sha­ralar men jetistikter kór­se­tilgen foto­kórme uıym­das­­tyryldy. Me­reı­toı qar­sa­ńynda «Jas ulan – 20 jyl» at­­ty kitap daıyndalyp, shyǵa­ryldy.

Qazirgi kezde mektep­te mem­­leketimizdiń túkpir-túk­piri­nen jınalǵan 425 ulan bilim alýda. Almaty, Shymkent já­ne Qaraǵandy qalalarynda taǵy da úsh «Jas ulan» áske­rı mek­tebi ju­mys is­teıdi. Ás­­­kerı mektepter­de tár­bıe­lený­shiler memlekettik já­ne shet tilderin, jalpy bi­lim bere­tin pánderdi tereń­detip oqıdy jáne dene-shynyq­tyrý­men shuǵyldanady. Mektep pánderimen qosa olar jalpy áskerı taktıka, baılanys negizderi, saptyq daıarlyq, jalpy áskerı jarǵylar jáne basqa da áskerı pánderdi meń­geredi.

Zamanaýı oqý-materıaldyq baza jańa tehnıkalyq qural­dar­dy qoldana otyryp ın­ter­ak­tıvti, kompıýterlik já­ne lıngafon synyptaryn­da sa­paly oqý prosesin uıym­das­­tyrýǵa múmkindik beredi. Áskerı pánder boıynsha ka­bı­netterde ulandyqtar tájirıbe júzinde ótken taqy­ryptardy pysyq­taýǵa ás­kerı tehnıka men qarý-ja­raq­tardyń jańa úlgileri bar. Áskerı avıasııany odan ári oqýdy josparlaǵan tárbıe­lenýshilerge áskerı ushqysh mamandyǵynyń negiz­derin oqý­ǵa múmkindik beriledi. 2007 jyl­ǵy qyrkúıekten bas­­tap «Memlekettik avıasııa or­ta­­lyǵy» Respýblıkalyq mem­­­lekettik kásipornynyń ne­gizin­de ulandar úshin «Je­ńil qoz­ǵalt­qyshty ush­qysh» bilik­ti­ligi beri­letin ushý daıyn­dyq­tary boıynsha sabaqtar júrgiziledi.

Ulandar olımpıadalarǵa, túrli jarystar men týr­nır­­­l­er­­­ge belsene qatysady. Olar­dyń jan-jaqty damýla­ry úshin murajaı, teatrlar men sport­tyq is-sharalar­ǵa qaty­sýlary, ataq­ty­ ǵa­lym­­dar men tanymal sport­­shylarmen kez­desý­ler uıym­dastyrylady. Al odan ári oqýlaryn jal­ǵas­tyrý úshin túlekter Qor­ǵanys mı­nıstr­liginiń oqý oryndaryna jiberiledi. Sonymen qatar oqýdy shet memleketterdiń áskerı oqý oryndarynda jal­ǵas­tyra alady. Qazirgi kezde «Jas ulan» astanalyq mektebiniń túlekteri Qa­zaqstan, Reseı, Belarýs, Ýkraına, Túrkııa, Qytaı ás­kerı oqý oryndarynda bilim alýda.