Jańa kezeń jáne ulttyq dúnıetanym

«Qazaqtaný» mádenı-aǵartý­shylyq jobasy aıasyndaǵy sha­raǵa oblys ákiminiń orynbasary Naýryzbaı Baıqadamov, aı­maqtaǵy zııaly qaýym ókilderi, oblystyq QHA qurylymdary men etnomádenı birlestikter mú­sheleri qatysty.

Sharaǵa kelgenderdi Qazan­ǵap atyndaǵy mýzykalyq kol­ledji­niń ónerpazdary qobyz kú­ıimen qarsy aldy. Dostyq úıin S.Aıtbaev atyn­daǵy kórkemsýret ga­ler­­eıasy qoryndaǵy týyndylardan «Kenep betindegi aýyl kórinisi» atty sýret kórmesi uı­ym­dastyryldy.

Búginde Qazaqstan halqy Assambleıasynyń «Qazaqtaný» jobasy boıynsha elimizdiń bar­lyq aımaqtarynda sharalar júıeli uıymdastyrylyp keledi. Birtutas ortaq qundylyqtardy qalyptastyrýdyń negizi retinde qazaq halqynyń tarıhyn, má­denıetin dáripteýdi kózdegen bastamaǵa el turǵyndarynyń qyzyǵýshylyǵy erekshe.

– Bizdiń basty qundylyǵymyz elimizdegi yntymaq pen birlik ekendigine talas joq. Eldegi et­nos­tardyń arasyna jik tús­peı, bir maqsatqa jumyla bilgen­digimizdiń arqasynda búgingi berekege jettik, – dep sóz bastaǵan oblys ákiminiń orynbasary N.Baıqadamov «Qazaqtaný» jo­basynyń mán-maqsatyn aıtyp ótti. Osy baǵytta atqarylyp jatqan jumystardy saralady. «Alashtyń anasy» atanǵan óńirde ótip jatqan konferensııa jumysyna sáttilik tiledi.

Sharada Temirbek Júrgenov atyndaǵy qoǵamdyq qor tóraǵasy Sápen Ańsatov «Qazaqy dinı tanym jáne urpaq tárbıesi» taqyrybynda baıandama jasap, taqyryp aıasynda paıymdy pikirler aıtty.

Fılologııa ǵylymdarynyń doktory, professor, Qorqyt Ata atyndaǵy QMÝ janyndaǵy «Qorqyttaný jáne ólke tarıhy» ǴZI dırektory Baǵdat Kári­bozuly «Syr eli – rýha­nııattyń bastaý bulaǵy» taqy­rybyn qozǵap, ulttaný baǵytynda jumystar aıasyn keńeıtý jaıynda oı órbitti.

Konferensııaǵa Almaty qala­synan arnaıy kelgen ónertaný ǵylymdarynyń kandıdaty, Á.Qas­­teev atyndaǵy memlekettik óner mýzeıiniń ǵylymı hatshysy Eka­terına Reznıkova «Obrazy ko­chevoı sıvılızasıı v jıvopısı Kazahstana» taqyrybynda baıandama jasady. Elimizdegi qyl­qalam sheberleriniń eńbekterin syrt memleketterde nasıhattap júr­gen ǵalym qazaqtyń kóshpeli ór­kenıetin sýret óneri arqyly tanýdyń mańyzdylyǵy jaıly aıtty. Belgili sýretshiler Salıhıtdın Aıtbaev, Qanafııa Teljanov, Gúlfaırýz Ismaı­lovanyń osy baǵyttaǵy eńbek­terine toqtaldy.

Fılologııa ǵylymdarynyń kan­dıdaty, Qoja Ahmet Iаsaýı atyndaǵy halyqaralyq qa­zaq-túrik ýnıversıtetiniń qaýym­dastyrylǵan professory Ja­zıra Isaeva «Uly dala paremıologııasy jáne ulttyq kod» ta­qyrybyndaǵy baıandamasynda ulttyq tanym jańǵyrýy úshin eń birinshi til jetilýi tıis degen oıyn jetkizdi.

Konferensııa sońynda qa­tysýshylar erkin pikir almasyp, joba aıasyndaǵy jumystar jaıly usynys-pikirler aıtty.

Qyzylorda